Pokiwy (31.08.18)

Freitag, 31. August 2018
Artikel bewerten
(0 Stimmen)

Lipa w parku koncertuje

Worklecy. Chór Lipa přeproša na „nócny koncert“, a to jutře, 1. septembra, w parku za Worklečanskej kapałku. Lu­bowarjo serbskeje chóroweje hudźby smědźa so na spodobne dožiwjenje pod hołym njebjom w swětle swěčkow wje­selić. W 21.30 hodź. započnu Lipjenjo spěwać. Zastup płaći pjeć eurow. Poskićeć budu wšelake słódne napoje.

Finale wuměłstwa w skale

Miłoćicy. Lětuša wuměłska dźěłarnička w Miłočanskej skale so nachila a skónči so jutře, sobotu, w 20.30 hodź. z prěnjej wuměłstwowej awkciju za wšěch, kotřiž wuměłstwo lubuja. Skupina electrona 73 zarjadowanje z rockowymi zynkami wobrubi. Nazajtra, 2. septembra, přeproša towarstwo Kamjenjak jako zarjadowar na zakónčacy dźeń. Hižo w 10.30 hodź. móža so zajimcy w skale na wodźenju po njej wobdźělić a tam wustajene wuměłske eksponaty wobdźiwać. Za dźěći spřihotuja wotměnjawu zaběru, a dorosćeni móža so znowa na dujersku kapału z čěskich Heřmanic wjeselić. Lubowarjam nadróžneje hudźby staj skupina Fünf an der Feier a dudak Handrij Henčl poručenaj.

Na „Smochčanske jewišćo“

Veröffentlicht in Pokiwy
Bitte anmelden, um einen Kommentar zu posten

Anzeige