Nowotarja serbskeje hudźby dostojnje počesćili

Montag, 19. November 2018
Artikel bewerten
(0 Stimmen)
Do koncerta połožichu čłonojo Maćiy Serbskeje kwěćel při rowje dr. Jana Rawpa na Budyskim  Tuchorju. Juro Mětšk hódnoćeše „sinfonikarja, kiž je serbsku hudźbu do 20. lětstotka wjedł“, Marka Cyžowa čitaše wujimki z Rawpoweho eseja „Dopoł dnja w archiwje“ a Měrana Cušcyna swójsku baseń „Credo“. Foto: SN/Hanka Šěnec Do koncerta połožichu čłonojo Maćiy Serbskeje kwěćel při rowje dr. Jana Rawpa na Budyskim Tuchorju. Juro Mětšk hódnoćeše „sinfonikarja, kiž je serbsku hudźbu do 20. lětstotka wjedł“, Marka Cyžowa čitaše wujimki z Rawpoweho eseja „Dopoł dnja w archiwje“ a Měrana Cušcyna swójsku baseń „Credo“. Foto: SN/Hanka Šěnec

Budyšin (SN/bn). Hudźbne nakładnistwo ENA, Maćica Serbska a Serbski ludowy ansambl su sobotu w Budyskim Serbskim muzeju wopomnjenski koncert za dr. Jana Rawpa składnostnje jeho 90. po­smjertnych narodnin wuhotowali. Pianistka Liana Bertók bě program zestajiła a nimale wšitkim fasetam wuznamneho serbskeho komponista a hudźbneho wědomostnika wobłuk wěnowała. Zhromadnje z Fabienne Wjacławkec zahra wona „Słowjansku reju“ we wersiji za klawěr k štyrjom rukam. Slědowaštaj sopranistka Romy Petrick a tenor Mikołaj Walerych, kotrajž zanjeseštaj wotměnjejo so přewodźanaj wot Bertók tři spěwy cyklusa „Brězow“. Na to zaklinčachu wariacije za husle a klawěr, předstajene wot młodeje wiolinistki Josephiny Kretschmar a Liany Bertók. Fokstrot „Hwězdny čas“ a Slowfoks „Ja pytam tebje“ reprezentowaštej „zabawnu stronku dr. Rawpa“ a dopokazaštej, zo „je komponist tež popularnu hudźbu znał a wobknježił“, kaž moderator Jurij Łušćanski připowědźi. Najwjetši aplaws zasłužichu sej Emma Matiakovska kaž tež Adrian a Valentin Simon­.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND