Prěnjej hornjoserbskej předstajeni z wopytowarskim rekordom
Radwor/Kulow (SN/bn). Lětuši wječorny ptačokwasny program Serbskeho ludoweho ansambla „To tla wěrno njej’!“ je na dotalnymaj hornjoserbskimaj předstajenjomaj wulki zajim zbudźił. Na sobotnej premjerje w Radworju zličichu zarjadowarjo něhdźe 160 hosći. Hišće wjetši bě nawal wčera w Kulowje, hdźež so rynk čakacych při zastupje skoro hač na dróhu rozpřestrě. Nimale 220 wopytowarjow woznamjenja nowy rekord za čas po towaršnostnym přewróće.
