Ptači kwas tež w čěskej stolicy swjeća

Dienstag, 29. Januar 2019
Artikel bewerten
(0 Stimmen)
Dźěći su w Praze zajim zbudźili, zanošujo z ptačimi maskami na kupje Kampa njedaloko Karloweho mosta ptačokwasne štučki.  Foto: Kateřina Kovanic Dźěći su w Praze zajim zbudźili, zanošujo z ptačimi maskami na kupje Kampa njedaloko Karloweho mosta ptačokwasne štučki. Foto: Kateřina Kovanic

Praha (RČ/SN). Slědźo w čěskich dźěćacych spěwnikach namaka zajimc hdys a hdys tež spěw wo ptačim kwasu, hdźež hinaše ptački hač w Serbach nošnu rólu hraja. To je na přikład drózna jako nawoženja. W lěće 2007 hižo bě Praske Towarstwo přećelow Serbow (SPL) w Klubje słowakskeje kultury ptačokwasny wječork zarjado­wało. Mjeztym je hižo tradicija, zo SPL w Praze wospjet wo ptačim kwasu w Serbach informuje. Kóžde lěto pisaja w Čěsko-serbskim wěstniku tež wo krasnych ptačokwasnych ćahach. Zora Beráková a Zuzana Bláhová stej spěw „Hlejće nowa wěc so stała“ njedawno do čěšćiny přełožiłoj. Mjeztym je znate, zo bě před lětdźesatkami w praskim dźělu Satalicach pod wjednistwo Bohumile Šretroveje a Jarmile Škochowe skutkował dźěćacy kružk, wusměrjeny na serbsku kulturu. Na tule tradiciju nawjazuje SPL z wobradźenjom na swjateho Mikławša,­ dźěćacymi popołdnjemi a nětko tež z ptačokwasnej dźěłarničku.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND