Njewšědny dźeń w Ochranowje dožiwił

Donnerstag, 09. Mai 2019
Artikel bewerten
(0 Stimmen)
Na dźěłarničce wo modelu křesćanskeje socialneje utopije k wědomostnemu slědźenju dr. Iriny Modrow w Ochranowskim konferencnym centrumje wobdźělichu so tež wjacori Serbja, mjez nimi Hajko Kozel (3. wotpr.).  Foto: Torsten Hochmuth Na dźěłarničce wo modelu křesćanskeje socialneje utopije k wědomostnemu slědźenju dr. Iriny Modrow w Ochranowskim konferencnym centrumje wobdźělichu so tež wjacori Serbja, mjez nimi Hajko Kozel (3. wotpr.). Foto: Torsten Hochmuth

Dóstach přeprošenje na dźěłarničku wo modelu křesćanskeje socialneje utopije k wědomostnemu slědźenju dr. Iriny Modrow w Ochranowskim konferencnym centrumje – a to wot zarjadowarjow­ „Modrow Stiftung“ a „Brüdergemeine“. W mjeńšej žurli słuchaše poslednju wutoru měrca ně­hdźe 35 přitomnych, mjez nimi dwě Serbowce a pjeć Serbow, na přednoški. (SN su wo tym informowali).

Prof. dr. Jindřich Halama z Ewangelskeje fakulty Praskeje Karloweje uniwersity poda zakład do tematiki. Rysowaše stawizny Ochranowskeho bratrowskeho hibanja, pokaza na korjenje socialneje utopije w radikalnych žadanjach husitow ze zaměrom, swět zrjadować po namołwje Mateja 23/4-8 a 19. To bě a je hišće dźensa jedne z hesłow noweje cyr­kwje, teje, w kotrejž wšitcy čłonojo wosady z jednoho kelucha pija: Wšo słuša wšěm! Po Lukašu: Prawy křesćan wobsydstwo wotpokazuje. Bohačk njemóže křesćan być!

Veröffentlicht in Kultura
Bitte anmelden, um einen Kommentar zu posten

Anzeige