Zapozdźenje naledźe nješkodźało

Montag, 08. Juli 2019
Artikel bewerten
(0 Stimmen)
Mjez druhim su pola Kralec čłonojo cyłka Bobáňovci – wšitcy z nich móža na instrumenće hrać, spěwać a rejwać – publikum zahorili.  Foto: SN/Maćij Bulank Mjez druhim su pola Kralec čłonojo cyłka Bobáňovci – wšitcy z nich móža na instrumenće hrać, spěwać a rejwać – publikum zahorili. Foto: SN/Maćij Bulank

Zapal a zahoritosć postaještej wječor na Kralec statoku, hdźež předstajištej so tež Serbski rozhłós a Wuhladko. Nimo hosći z Peruwa stej so němska skupina Thea Maass a słowakski folklorny cyłk Bobáňovci předstajiłoj, drje z něšto zapozdźenjom, štož pak přitomni sportowsce přijachu. Wšako čakachu mnozy na hižo dlěje připowědźenu překwapjenku. A ju je intendantka sćelaka MDR prof. dr. Karola Wille wozjewiła.

„Wot 1. januara 2020 poskitk serbskeho rozhłosa rozšěrimy“, prof. Wille připowědźi a žněješe za to připóznaće a přiklesk. Rozhłós wusyła potom wotydźenja hač do dźewjećich a sobotu hač do dźesaćich. „Dźěłamy na konceptach, z kotrymiž chcemy wam hišće bliši być“, wuswětli intendantka na prašenje moderatora wječora Jakuba Wowčerja.

Veröffentlicht in Kultura
Bitte anmelden, um einen Kommentar zu posten

Anzeige