Lipje trójnu „Sławu“ zanjesli

Montag, 23. September 2019
Artikel bewerten
(0 Stimmen)
Chór Lipa pod nawodom Jadwigi Kaulfürstoweje je na žurli Bukečanskeho koncertneho a baloweho domu lětsa prěni nazymski koncert wuhotował. Někotre spěwy přewodźeštaj huslerka Judith Škodźina a kontrabasist Samuel Šiman. Foto: Jurij Helgest Chór Lipa pod nawodom Jadwigi Kaulfürstoweje je na žurli Bukečanskeho koncertneho a baloweho domu lětsa prěni nazymski koncert wuhotował. Někotre spěwy přewodźeštaj huslerka Judith Škodźina a kontrabasist Samuel Šiman. Foto: Jurij Helgest

Zazběh nazymskich koncertow dypkownje na prěnim dnju počasa

Bukecy (SN/bn). „Ha widźu-li ptačata ćahnyć“ bě prěni, hodźacy so spěw prěnjeho zarjadowanja lětušeho rjadu nazymskich koncertow. Ze započatkom kalendariskeje nazymy dožiwi něhdźe 70 zajimcow na žurli Bukečanskeho koncertoweho a baloweho domu wustup chóra Lipa pod nawodom Jadwigi Kaulfürstoweje. Pančičansko-Kukowske ćěleso předstaji w hodźinskim programje přerěz swojeho repertoira. Tón wopřijima nimo serbskich ludowych pěsnjow, kaž na přikład „Zahraj nam rejku“ a „A ženje ja njejsym tak wjesoły był“, wuměłske spěwy mjez druhim Korle Awgusta Kocora, Jana Pawoła Nagela a Jana Bulanka, tradicionalne čěske, morawske a słowakske štučki kaž tež nowše kompozicije Měrćina Weclicha a Křesćana „Jamesa“ Młynka. Najwjace přikleska wuwabištej „Běži woda, běži“ w dynamisce interpretowanej sadźbje Jurja Winarja a jenički němski přinošk „Ptači kwas“ w njewšědnym, tak mjenowany „Kwasny pochod“ Felixa Mendelssohna Bartholdyja citowacym wobdźěłanju Thomasa Gabriela.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND