46. Choćebuska hudźbna nazyma so 1. oktobra zahaji

Choćebuz (SN/CoR). 46. slěd Choćebuskeje hudźbneje nazymy wotměje so lětsa pod nowym wjednistwom. Choćebuski hudźbny wědomostnik a komponist Bernd Weinreich, kiž bě wot lěta 2006 na čole towarstwa, je funkciju spušćił. Hižo spočatk lěta wuzwolichu čłonojo zapósłanca zwjazkoweho sejma prof. dr.-ing. Martina Neumanna za noweho před­sydu.

Wot 1. oktobra do 24. nowembra steja nimo koncertow w Choćebuzu wosebje zarjadowanja we wokolinje w srjedźišću. Dohromady poskića lubowarjam hudźby 13 koncertow, mjez nimi tež dwaj za najmłódšich w pěstowarnjach.