Bože narodki ze štyrjoch kontinentow

Freitag, 29. November 2019
Artikel bewerten
(0 Stimmen)
W pjeć witrinach su w Njeswačanskim muzeju moderne bože narodki ze štyrjoch kontinentow wustajene. Tu su to minipostawy hodowneho podawka, wjetše figury stej swj. Marija a Józef.  Foto: Manfred Laduš W pjeć witrinach su w Njeswačanskim muzeju moderne bože narodki ze štyrjoch kontinentow wustajene. Tu su to minipostawy hodowneho podawka, wjetše figury stej swj. Marija a Józef. Foto: Manfred Laduš

W Njeswačanskim domizniskim muzeju wočakuja wot jutřišeho připołdnja wopytowarjow na nowu wosebitu wustajeńcu. Wona je kaž stajnje kónc lěta hodam wěnowana a předstaja tónkróć 240 modernych božich narodkow.

Njeswačidło (SN/ML). Wosebity hobby mějićelki pohrjebneje słužby z Plusnikec Uty Schilder je, zběrać tajke nowše předstajenja wuznamneho podawka w Betlehemskej Božej nocy. Nimale 300 eksponatow ze wšeho swěta wona mjeztym wobsedźi. Wjetšinu swojeje zběrki po­kaza wot jutřišeho hač do klětušeho 19. wulkeho róžka w Njeswačidle.

Mjez pokazanymi eksponatami je wjele ze wšelakich kónčin Němskeje, tak mjeńši tradicionalny drjewjany boži narodk z Bayerskeje. Sylnje zastupjeny je Israel,­ kraj, w kotrymž bě so před 2019 lětami wony w Nowym zakonju wopisany podawk stał. Z Armenskeje wuhladaš na papjercu­ znate postawy – swjatu Mariju,­ Józefa a w žłobiku Jězusdźěćatko. Podobne zwobraznjenje Božeho naroda je z Georgiskeje.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND