Serbski pop wulce zahorił

Montag, 10. Februar 2020
Artikel bewerten
(0 Stimmen)
Medley přebasnjenych póstniskich spěwow bě wjeršk koncerta chóra Lipa sobotu w Haslowje. Při tym móžachu jeho čłonojo nimo  spěwnych tež swoje komediantiske kmanosće pokazać.  Foto: Tomaš Šołta Medley přebasnjenych póstniskich spěwow bě wjeršk koncerta chóra Lipa sobotu w Haslowje. Při tym móžachu jeho čłonojo nimo spěwnych tež swoje komediantiske kmanosće pokazać. Foto: Tomaš Šołta

Chór Lipa a jeho přećeljo publikumej njezapomnity wječor wobradźili

Haslow (SN/MWj). Z trójnej „Sławu“ ­dźakowaše so publikum sobotu w Haslowje za njewšědnje wurjadny koncert chóra Lipy. Pod hesłom „“ ­dožiwi 220 wopytowarjow přewšo wotměnjaty a zabawny hudźbny wječor, na kotrymž chór pod nawodom dirigentki Jadwigi Kaulfürstoweje jeno swoje spěwne kmanosće njepředstaji, ale tež swoje žortne stronki pokaza. Wo dwurěčnu moderaciju postara so šarmantnje a čerstwje Julija Jankowscyna.

Hižo spočatk koncerta bě hinak hač zwučeny, jako Lipjenjo hwizdajo na jewišćo přińdźechu a na to ze šlagrowym hitom „Nětk zaklinči zas“ přitomnym připowědźichu, zo jich tón wječor hłownje popularne a zwjetša z radija znate melodije wočakuja. To běštej mjez druhim „Quo vadis Łužica“ a „Maći luba“. Jako premjera zaklinča šlager „Raj mój ródny raj“. Při spěwje „Nastajnosći mysl ćěka“ wusahowaše Michaela Melcerowa jako solistka.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND