Iniciatiwna skupina kulturneho towarstwa přeproša na wuměnu

Wojerecy (SN/MiR). Towarstwo za pěstowanje regionalneje kultury srjedźna Łužica z.t. we Wojerecach je nošer a zarjadowar dalšeho foruma wokoło serbskeje narodneje drasty. Swoje srjedźišćo ma towarstwo we Wojerowskim Wjacsławkec drastowym domje. Zaměr dźěławosće čłonow cyłka je serbsku narodnu drastu zachować. Nětko chce towarstwo dale do zjawnosće skutkować. Za to chce posudźować staw wědy wo wšelakich wariantach serbskeje narodneje drasty. A tak přihotuje informaciske zarjadowanje na temu „Drasta regiona jako imaterielne herbstwo“.