Modla so kadiš
Budyšin. Lětuša modlitwa kadiš za zamordowanych Budyskeje židowskeje wosady wotměje so njedźelu, 6. septembra, w 17 hodź. na židowskim pohrjebnišću na Mužakowskej dróze. Mužojo njech njezabudu na čapku. Wšitkich wobdźělnikow wopominanja proša, škitny nahubnik wužiwać.
Wuslědki wólbow sćěhować
Wojerecy. Zajutřišim, njedźelu, wola we Wojerecach noweho wyšeho měšćanostu. Je-li trjeba, přewjedu 20. septembra druhi wólbny přechod. Na woběmaj dnjomaj zajimcam wuslědki wólbow prezentuja. Wot 18 hodź. móžeš na žurli wobydlerskeho centruma Piwarska hasa 1 sćěhować, kak wuslědki z jednotliwych wólbnych lokalow dochadźeja, doniž potom kónčny wuslědk njepředleži. Wopytowarjo maja na kóždy pad wobmjezowanja korony dla a předpisany wotstawk dodźeržeć. Na internetnej stronje města www.hoyerswerda.de wuslědki wólbow tohorunja předstaja.
Kotre słodźi najlěpje?
