Knižne premjery a wiki pobrachuja, wuhlady přiwšěm dosć dobre

Budyšin (SN/bn). Ludowe nakładnistwo Domowina njemóžeše knižnu premjeru fachoweje publikacije dr. Cordule Rataj-czakoweje „Nowa swoboda“ aktualnych postajenjow koronapandemije dla wuhotować. Poprawom wčera w Budyskim Kamjentnym domje planowane zarja­dowanje bu wotprajene. Bjez premjery a slědowacych čitanjow pak „je ćežko, ludźi­ wo nowostkach informować. Tajka prezentacija dźě je předewšěm tež při­ležnosć, mysle sej wuměnjeć. Tuchwilu spytamy z pomocu nawěškow a plakatow za knihi wabić. Nimo toho wo tym rozmyslujemy, kak móhli přichodne wudaća ewentualnje w interneće prezentować. Tak pru­wujemy, hač móžemy spočatk decembra w Budyskim Serbskim muzeju předwidźanu premjeru zběrki ‚Susodźa – Antologija hornjoserbskeje prozy‘, wudateje wot Ingrid Juršikoweje, we wobmjezowanym wobłuku zwo­prawdźić a přez livestream spřistupnić“, wotrjadnica LND za rozšěrjenje Manja Bujnowska rozłožuje. Tónle „plan b wšak woznamjenja, zo mamy hladajo na techniske wužadanje wjace­ prócy nałožować.