Poprawom sym so nadźijała, zo jeho loni,­ w meji 2020, na Praskich knižnych wikach „Svět knihy“ zetkam. Chcych so z nim ­jako jednaćelka Ludoweho nakładnistwa Domowina słužbnje rozžohnować. Koronapandemije dla pak su wiki na nazymu přestorčili, potom je cyle wotprajichu. Nětko dyrbimy so z Petrom Čačkom, słowakskim přećelom Serbow, na přeco rozžohnować. W 85. žiwjenskim lěće je 6. februara w Bratisławje zemrěł.