Swjatočne koncerty składnostnje róčnicow zwjazka šesćiměstow a Lubija

Kamjenc/Žitawa/Lubij (SN/bn). Załoženje zwjazka šesćiměstow před 675 lětami kaž tež prěnje dopokazujomne naspomnjenje Lubija w historiskich žórłach před 800 lětami běštej ewangelsko-lutherskemu cyrkwinskemu wobwodej Lubij-Ži­tawa přičina, wuhotować kónc tydźenja tři swjedźenske koncerty w třoch cyr­kwjach městow mjenowaneho hornjo­łužiskeho zwjazka. Dohromady zličichu w Kamjenskej „hłownej“ cyrkwi swj. Marje, Žitaw­skej cyrkwi swj. Jana a Lubijskej cyrkwi­ swj. Mikławša něhdźe 350 wo­pytowarjow, štož wobkedźbujo hygieno­wemu konceptej přiměrjeny sedźenski porjad woznamjenja, zo běchu Bože domy połnje wobsadźene.