Budyšin (SN/bn). „Dimensionen – Rozměr“ je hesło lětušeho Łužiskeho hudźbneho lěća, kotrež je sej za swjedźeń zamołwity Götz Müller z Budyskeho zarjada za hospodarstwo, kulturu, medijowe a zjawnostne dźěło „cyle wědomje wu­zwolił“. Na wčerawšej nowinarskej rozmołwje w Budyskej radnicy wón wu­zběhny: „Zaměr při zestajenju programa bě wobkedźbować wšitke wobłuki, kotrež hodźa so hudźbnje wobswětlić, přede­wšěm z historiskeje, regionalneje perspektiwy. Zdobom pak wotbłyšćuje ‚Rozměr‘ wěstu refleksiju najnowšich sta­wiznow. Program wopřijima tuž něhdźe 500 lět wuměłstwa wot zynkow renesansy hač do dźensnišeho jazza.“