Budyšin (SN/bn). Dwójce bě dešć koncertej zadźěwał, z třećim pospytom pak so wustup spěwytwórca Rokotak na Kulturnej zahrodźe Serbskeho ludoweho ansambla wuspěšnje zešlachći. „Čakać a wjedro wobkedźbować bě kaž emocionalne krosnowanje po horach a dołhach, koncertaj krótkodobnje wotprajić dyrbjeć bě přewšo ćežko. Ćim bóle so wjeselu, zo móžu swoje spěwy skónčnje tu předstajić“, gitarist a spěwar spočatnje něhdźe 40 wopytowarjow – na kóncu bě jich něhdźe 70 – wčera wječor pod Budyskej Röhrscheidtowej baštu powita.