Premjera krucha „Nykus – reja z wódnym mužom“ publikum zahoriła

Trjebin (SN/CoR). Ze sylnym a dołhim přikleskom je so něhdźe 70 přihladowarjow we wupředatej bróžni na Šusterojc dworje w Trjebinje wčera wječor wuměłcam za poradźowanu prapremjeru „Nykus – reja z wódnym mužom“ podźakowało, mjez nimi tež bywša intendantka Serbskeho ludoweho ansambla Judith Kubicec a nowy intendant Złokomorowskeho Noweho jewišća (ZNJ) Daniel Ris. Kruch w režiji Franka Düwela předstajichu we wobłuku wot Zwjazka spěchowaneho 3. festiwala Łužica.