Němski hygienowy muzej Drježdźany styki z Wojerecami dale rozšěrja
Němski hygienowy muzej Drježdźany (DHMD) je za swój projekt „Muzeje jako aktiwne městnosće demokratije“ zwjazkarjow zwonka krajneje stolicy pytał a tajkich we Wojerecach našoł. Zaměrnje su so rozsudźili hić do Hornjeje Łužicy, potwjerdźi Alan Günther, we wobłuku projekta tuchwilu zamołwita za ćežišćo „Outreach“ (wonkowne styki). Wšako njeje z jeje wida trěbne, so zapadnje w třiróžku Drježdźany-Kamjenica-Lipsk pohibować, ale w teritoriju mjez Łobjom a Nysu. Prěnja kooperacija měrješe so na předewzaće „Njefalšowane? Fake-projekt we Woj“ (Echt? Das Fake-Projekt in Hoy) a bu 15. měrca wuspěšnje zakónčene.
