Nowa wosebita wustajeńca wo prastarym a wěčnje nowym prašenju
Budyšin (SN/MiR). Njewšědna a wšitke generacije zawjazujo – nic jenož katolskich Serbow, štož drje hesło „Dohlady do serbskeho katolskeho swěta“ sugeruje – so aktualna wustajeńca Budyskeho Serbskeho muzeja pokazuje. Tutu njedźelu, popołdnju w třoch, budźe wona prěni króć zjawnosći přistupna. Wšako znaje bjezdwěla kóždy čłowjek serbskeho pochada prašenje: „Čej’ da sy?“. Tych jednych je wone myliło, tamnych nic. Přehlad temow, zaběrace so z prašenjom z wida muzejownikow, zwuraznja, zo je derje, so z nim zaběrać a wotmołwy pytać, tež hdyž so wšitko na wobydlerjow katolskeje kónčiny mjez Wojerecami, Budyšinom a Kamjencom koncentruje.