Chorwatski wulkopósłanc Gordan Bakota je z poskitkom a přećom přijěł

Budyšin (SN/MiR). Wulkopósłanc Chorwatskeje republiki w Němskej Gordan Bakota je wčera zhromadnje z honorarowym konsulom Chorwatskeje w Sakskej dr. Peterom Neumannom a radu wulkopósłanstwa Mladenom Nimacom Budyski Serbski muzej wopytał. Zapósłanc Sakskeho krajneho sejma Marko Šiman a direktorka muzeja Christina Boguszowa staj hosćej serbsce witałoj. „Dźensniša Europa je Europa mjeńšinow. Smy wšitcy mjeńšina. Štož po našim času žiwjenja zwostanje, je kultura a su tradicije. Sym słyšał, zo je něhdźe 60 000 Łužiskich Serbow w Němskej. Je wažne, jich kulturu a tradicije zachować.“