Wuspěšnej koncertaj wjerškaj a zdobom emocionalne rozžohnowanje

Budyšin (SN/bn). Chór 1. serbskeje kulturneje brigady, orchester Serbskeho ludoweho ansambla kaž tež solisća Romy Petrick (sopran), Mira Walerych-Szary (alt), Mikołaj Jan Walerych (tenor) a Clemens Heidrich (bas) su z předstajenjomaj oratorija „Žně“ Korle Awgusta Kocora a Handrija Zejlerja minjeny pjatk a předwčerawšim w Budyskej měšćanskej hali „Króna“ dohromady něhdźe 800 wopytowarjow zahorili a zdobom dirigentej Friedemannej Böhme dostojne rozžohnowanje ze zastojnstwa nawody brigady wobradźili. Koncertaj buštej za produkciju CD nahrawanej, kotraž ma lětsa do hód wuńć.