LND je Serbsku protyku 2024 w Radworskim Starym dwórnišću předstajił
Radwor (SN/at). Knižna premjera Serbskeje protyki je kóžde lěto tajke něšto kaž zazběh literarnych žnjow w Ludowym nakładnistwje Domowina (LND). Lětnik 2024 najwoblubowanišeje hornjoserbskeje edicije je mjeztym na předań. Tak móžeše jednaćel Syman Pětr Cyž wčera nimale 30 ludźi – a to nic jenož z Radworskeje gmejny – do Stareho dwórnišća w Radworju witać, kotřiž běchu přeprošenju LND a towarstwa Radworske dwórnišćo inkluzije sćěhowali.
