Budyšin (CRM/SN). 80. narodniny komponista, wučerja, dramaturga a intendanta Detlefa Kobjele wopominaše Serbski ludowy ansambl (SLA) minjenu sobotu w swojim domje a wčera w Choćebuzu. Tak so spominanje na žiwjenski skutk wobhnadźeneho a za hudźbu so horjaceho syna pjekarja z Rogozna pola Choćebusa po rozmołwnym kole minjenu srjedu (SN rozprawjachu) nětko z tym zjima, zo so to bytostne jeho kompozitoriskeho tworjenja předstaji. Dźiwadźelnik Měrko Brankačk program moderěrowaše.