Budyšin (bry/SN). Wo wjesnych stawi­znach a pěskowo-hlinowej jamje přednošowaštaj wčera na žurli Budyskeje měšćanskeje biblioteki čłonaj organizaciskeje skupiny za jubilej Měrkowa. Wudobywanišćo pomjenuja we wobchadnej rěči jako pěskowu myjernju (Sandwäsche). Něhdźe 30 přisłucharjow bě z Měrkowskeje a Lutobčanskeje wokoliny přichwatało, ale tež zajimowani abo přiwuzni Budyšenjo. Tak měješe wječor zdźěla swójbny charakter.