Wo přičinach womjelknjenja serbšćiny přednošowała

Budyšin (SN/WŽ). Wěda wo nastajenju ludźi k rěči je bytostna za wuspěch rěčneje rewitalizacije, to měni slědźerka w syći za serbsku rěč a regionalnu identitu ZARI, dr. Cordula Ratajczakowa. Dobrych 25 zajimcow je wčera wječor na žurli Serbskeho muzeja jeje přednošk sćěhowało. W nim da wona nazorny dohlad do rěčnych biografijow ludźi, kotrymž serbšćina hižo sposrědkowana njebu.