Dźěći Chróšćanskeje šule swjedźeń z musicalom fulminantnje zahajili

Chrósćicy (SN/WŽ). „PUPK SWĚTnišćA“ rěka musical, kotryž wčera w Chróšćanskej wjacezaměrowej hali wjac hač 500 hosći dožiwi. 75 dźěćom tamnišeje serbskeje zakładneje šule „Jurij Chěžka“ je so z tym wulkotny zazběh swjedźenja składnostnje jubileja 800 lět Chrósćic ­poradźił. W cyłkownej zamołwitosći šulskeje wjednicy Sabiny Hejdušcyneje běchu poslednje měsacy w njeličomnych probach a probowym lěhwje spěwy, ­teksty a reje za to nazwučowali. Do předewzaća su wšitkich šulerjow zapřijeli.