Lipsk (SN/bn). Nowelěrowane rozhłosowe statne zrěčenje, kotrež ma so hač do januara 2027 zwoprawdźić, žada sej wot zjawnoprawniskich medijow mjez druhim, zo swoju eficiencu stopnjuja a dwójne struktury wotstronja. W tym zwisku chce Dźěłowe zjednoćenstwo zjawnoprawnych rozhłosowych stacijow Němskeje (ARD) cyłkownje 16 sćelakow šmórnyć. Wotpowědny naćisk Srjedźoněmskeho rozhłosa wopřijima wotšaltowanje žołmy­ MDR Tweens, MDR Schlagerwelt a MDR Klassik. Naposledk mjenowana sparta ma na Bayerski rozhłós přeńć. Na tónle plan su zamołwići wjace hač 30 kulturnych institucijow Sakskeje, Saksko-Anhaltskeje a Durinskeje ze zjawnym listom intendantej MDR Ralfej Ludwigej a rozhłosowej radźe reagowali. Tam rěka, zo njeměło so „při trěbnych financnych rozsudach na wuznam regionalneho rozprawnistwa nastupajo dźiwadło a hudźbu zabyć. Prosymy pruwować, kak hodźi so prawidłowne kulturne rozprawnistwo nadal zaručeć.“ Podpisali su mjez druhim intendanća­ resp.