SLA měri so po wuspěchu loni z wupruwowanym mustwom na ptači kwas

Budyšin (SN/bn). Serbski ludowy ansambl je hladajo na dohromady něhdźe 45 000 wopytowarjow na swojich cyłkownje 205 zarjadowanjach z lětom 2025 přewšo spokojom. Sobu najwuspěšnišej inscenaciji běštej „Myšyn impossible abo Wanka, Janek a te tśi njemóžnosći“ z hudźbu Christopha Reutera po libreće Jürgena Westphala a w režiji Julije Schmidt, kotrejež předstajenja běchu we wobłuku Błótowskich powěsćowych nocow wospjet stajnje wupředate, kaž tež prapremjernje prezentowana muzikaliska rejowana bajka „Mały pampuch“ po předłoze Wórše Wićazoweje. Spektakl w Delnjej Łužicy bě dohromady 4 500 zajimcow přiwabił. Ducy po Hornjej Łužicy pokazana, pod nawodom režisera a choreografa Juraja Šiški zwoprawdźena bajka Wićazoweje z hudźbu Andreasa Gundlacha zahori cyłkownje něhdźe 1 700 předewšěm młódšich přihladowarjow. Nowowusměrjenje resp.