Produkcija serbskeje hudźby w Budyskim studiju MDR tuchwilu móžna njeje
Drježdźany/Budyšin (SN/BŠe/MiP). Zwyšenje rozhłosoweho popłatka wot 18,36 na 18,94 eurow wot spočatka lěta 2025 běchu ministerscy prezidenća zwjazkowych krajow na swojej wurjadnej konferency w decembrje 2024 wotpokazali. Po tym su so wšitke zjawno-prawniske rozhłosowe sćelaki w Němskej na kurs lutowanja podali. Sćelakaj ARD a ZDF stej přećiwo tutomu rozsudej skóržbu pola Zwjazkoweho wustawoweho sudnistwa zapodałoj. Tamniši sudnicy pak dotal rozsudźili njejsu.
