Wostanu kruće ze Nysowym filmowym festiwalom zwjazani

Budyšin (SN/MiR). 23. Nysowy filmowy festiwal (NFF) bu wčera w Žitawskim Gerharta Hauptmannowym dźiwadle zahajeny. W něhdźe 20 kinach a hrajnišćach w Němskej, Čěskej a Pólskej pokazuja hač do njedźele něhdźe sto hrajnych, dokumentarnych a krótkofilmow. Tři wubědźowanja su powabk za wobdźělenje filmowcow z mnohich europskich krajow. Wosebje putace su wšelake filmowe rjady, trikowe filmy DEFA, openair-kino a klasikarjo w formaće 70mm. K tomu wuhotuja so mjez druhim čitanja, koncerty a wustajeńcy.