Rjadowanje kože dla zběhnjene
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje: Manja Bujnowska 577 262
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
Biskopej nowu knihu LND přepodał
To a tamne (30.06.23)
Hodźiny dołho je kołp wčera nowu a chětro drohu čaru podzemskeje železnicy w Londonje blokował. Zadźěwka dla dochadźeše na „Elizabeth Line“ k masiwnym zapozdźenjam, zdźěli wobhospodar na swojej internetnej stronje. Runočasnje pasažěrojo w socialnych medijach skoržachu, zo su we wagonach bjez toaletow zamknjeni. „Kak ćežko prošu jara je, zwěrjo z kolijow wućěrić“, so ludźo prašachu. Čaru běchu hakle loni w septembru na česć kralowny Elizabeth II. wotewrěli. Twar płaćeše 22 miliardow eurow.
Tójšto mjasa a kołbasy pokradnyli su paduši ze superwikow we Wildenfelsu w Zwickauskim wokrjesu a su při tym tež hišće chłódźenje přetorhnyli. Tuž dyrbjachu wšo zničić, štož bě we chłódźerni składowane. Paduši běchu durje chłódźernje wočinjene wostajili. Cyłkowna škoda wučinja wjace hač 10 000 eurow.
Prawicarjo najwjetši strach demokratije
Sakski nutřkowny minister Armin Schuster a prezident sakskeho krajneho zarjada za wustawoškit, Dirk-Martin Christian, předstajištaj njedawno rozprawu wustawoškita za lěto 2022.
Drježdźany (SN/MG). Najwjetši strach za demokratiju wuchadźeše tež loni zaso wot praweho boka politiskeho spektruma. Wosobowy potencial – su to wosoby, kotrež móhli so potencielnje z ekstremistami stać – wučinješe loni na prawicarskim boku někak 4 350 wosobow. Najwyši je wony potencial mjez druhim we wokrjesu Budyšin, z wjace hač 300 potencielnymi ekstremistami. Ale tež w napřećiwnym politiskim hibanju zwěsćichu zastojnicy wěsty wosobowy potencial, tutón wučinja dokładnje 890 wosobow, je to 40 wjace hač hišće 2021.
Wulka ličba wustupow
Pólska boji so zóldnarjow
Waršawa (dpa/SN). Planowaneho přepołoženja ruskich zóldnarjow skupiny Wagner do susodneje Běłoruskeje dla chce Pólska swoju wuchodnu mjezu hišće sylnišo zawěsćić. Tak chcedźa ličbu pomjeznych zastojnikow zwyšić a „wšelake zadźěwki za škit mjezy w padźe nadpada“ zatwarić, zdźěli zastupowacy ministerski prezident Jarosław Kaczyński wčera wječor po posedźenju komiteja za wěstotne a zakitowanske prašenja. Pječa je 8 000 wojowarjow po puću do Běłoruskeje.
Aktiwisća před sudnistwom
Lipsk (dpa/SN). Přewodźane wot protestow klimowych aktiwistow su dźensa w Lipsku proces přećiwo pjeć čłonam skupiny Poslednja generacija zahajili. Wobskorženi w starobje mjez 22 a 31lětami dyrbja so nuzowanja dla před hamtskim sudnistwo zamołwić. Demonstranća wumjetowanja statneho rěčnistwa připóznachu, pokazachu pak zdobom na měrniwy charakter swojeho protesta w boju přećiwo klimowej krizy. Aktiwisća běchu w Lipsku wjacore dróhi blokowali.
Baerbock: Žony bóle zapřijeć
Dobry tydźeń po znjezboženju podnurjaka „Titan“ w sewjernym ...
Rěča znowa wo chorownjach
Berlin (dpa/SN). Hladajo na planowane noworjadowanje struktury chorownjow w Němskej su so zastupnicy zwjazkoweho knježerstwa a zwjazkowych krajow dźensa znowa k wuradźowanjam zetkali. Rěčeli su předewšěm wo zasadnych prašenjach reformy. Zwjazkowy minister za strowotnistwo Karl Lauterbach (SPD) chcył po dowolowej přestawce konkretne naćiski noweho zakonja předpołožić. Zwjazk chce předewšěm system zapłaćenja změnić, zo by hospodarski ćišć na chorownje znižił. Nimo toho planuja jednotne kriterije kwality a dokładnišo postajenje wobłuki wukonitosće klinikow.
Zwjazk chorobnych zawěsćernjow žada sej cyłoněmske předpisy nastupajo kwalitu chorownjow. Towaršnosć chorownjow so starosća, zo słuža wot Lauterbacha planowane kwalitne předpisy k tomu, dźěl chorownjow zawrěć.
