BTU: „Njejsmy zapřijeći“
W Choćebuzu nastanjetej prawdźepodobnje dwě uniwersiće
Podstupim (dpa/SN). W Choćebuzu ma bórze móžno być, medicinu studować. Tak rěka jedyn z planow, kotrež chcedźa po wudobywanju brunicy we Łužicy zwoprawdźić. Naprawa je sobu najwažniša w zwisku ze změnu strukturow w kónčinje. Wot braniborskeho knježerstwa zasadźena komisija fachowcow bě so za tajke wukubłanje w druhim najwjetšim měsće Braniborskeje wuprajiła. Wukubłanje mediciny měło so poprawom Braniborskej techniskej uniwersiće (BTU) Choćebuz-Zły Komorow přirjadować, nětko pak hinaši koncept zdźěłuja.
Po informacijach powěsćernje dpa zamołwići tuchwilu wo druhej nošerskej strukturje rozmysluja. Wo tym rozprawješe tele dny nowina Lausitzer Rundschau. Braniborske ministerstwo za wědomosć to dotal njekomentuje. „Zamołwita ministerka nochce so do rozsuda kabineta k tomu wuprajić. Zaměr je a wostanje, kónčny koncept hač do kónca měrca wědomostnej radźe spřistupnić“, zdźěli rěčnik wědomostneho ressorta Stephan Breiding. Na doskónčnym koncepće tuchwilu hišće dźěłaja.
Dobry zastupjer ludu
To a tamne (13.02.23)
Při nadpadźe rubježnika na hosćenc w Nižozemskej njeje skućićel z rozsudźenosću hosći ličił. Jako muž minjeny pjatk hosćenc w gmejnje Best z brónjemi nadběhowaše a za pjenjezami žadaše, su jeho wjacori hosći přemóžili. Woni jeho tak dołhe zadźeržachu, doniž njebě policija na městnje. Kaž so pozdźišo wukopa, měješe muž samo atrapu pistole a powětrowu pistolu při sebi.
Ze starobu 9 lět a 210 dnjow je mała myš z mjenom Pat nětko w knize Guiness zapisana. Zwěrjatko je najstarša žiwa myška, kotruž ludźo hladaja. Pat bydli w zwěrjencu SanDiego Wildlife, hdźež prócuja so wot wotemrěća wohrožene družiny zwěrjatow wuchować. Myška přisłuša k rědkej družinje, kotraž ma swoju domiznu na juhu kaliforniskeho přibrjoha.
Elektroniska akta móže pomhać
Lipsk (dpa/SN). Chorobna kasa Barmer žada sej wjace digitalizacije strowotniskeho wobłuka. Předewšěm w zwisku z wěstotu lěkowanskich srědkow by to pomhało. Často bjeru pacienća přewjele medikamentow, kotrež su jim wšelacy lěkarjo poručili, bjez toho zo je to mjez woběmaj wothłosowane. Z pomocu elektroniskeje akty pacienta móhli lěkarjo zhonić, kotre medikamenty hižo wužiwaja. Po rozprawje Barmer dóstanje přerězny 40lětny pacient w Němskej w běhu dźesać lět 80 receptow a 125 lěkowanskich srědkow.
Dalša pomoc po puću
Wunstorf (dpa/SN). Zwjazkowe knježerstwo je Turkowskej dalšu pomoc za wopory zemjerženja přilubiło. Zwjazkowa nutřkowna ministerka Nancy Faeser (SPD a zwjazkowy zakitowanski minister Boris Pistorius (SPD) staj dźensa rano lětanišćo we Wunstorfje pola Hannovera wopytałoj, z kotrehož dodawaja tony pomocnych srědkow do potrjechenych kónčinow. Z Turkowskeje a Syriskeje přizjewichu zarjady dźensa wjace hač 21 000 smjertnych woporow.
Projekty spěšnišo wobdźěłać
Zmylki přiznał
Wulkopósłanca w Sakskej witali
Drježdźany (dpa/SN). Sakske knježerstwo a zastupjerjo zwjazkow su Ukrainje dalšu pomoc při zmištrowanju wójnskich sćěhow přilubili. Ministerski prezident Michael Kretschmer (CDU) witaše wčera noweho wulkopósłanca Ukrainy w Němskej Oleksiia Makeieva na jeho nastupny wopyt w statnej kencliji. Z bywšim wulkopósłancom kraja Andrijom Melnykom wšak njeměješe Kretschmer dobry poćah, dokelž bě ministerski prezident stajnje zaso na to pokazał, zo je w konflikće měrliwe rozrisanje trěbne.
Sakska podpěruje Ukrainu a ludźi, kotřiž su wójny dla do Sakskeje přišli. Po informacijach statneje kenclije přebywa w Sakskej dotal něhdźe 61 000 ćěkancow z Ukrainy. Nimo toho organizuja w kraju stajnje pomocne srědki, kaž na přikład medicinski material abo žiwidła.
Ani kmani, wólby přewjesć
Kontrowersnu debatu do wólbow senata w Berlinje wotměli
Berlin (dpa/SN). Tři dny do wospjetnych wólbow njedźelu w Berlinje je opozicija posedźenje Berlinskeho parlamenta za to wužiwała, zo by koaliciju SPD, Lěwicy a Zelenych kritizowała. Berlinska knježaca měšćanostka Franziska Giffey (SPD) pak skedźbni předewšěm na wuspěchi a poda perspektiwy do přichoda.
Načolny kandidat CDU Kai Wegner jej wumjetowaše, zo Giffey połoženje města we wólbnym boju jako jara wuspěšne rysuje. Tomu pak scyła tak njeje. W zwjazkowym kraju maja jara wjele bjezdźěłnych. Je to druha najhubjeńša kwota po cyłej Němskej. Jenož w Bremenje je situacija hišće špatniša. Dale opozicija kritizowaše, zo njejsu w Berlinje ani kmani, demokratiske wólby přewjesć. Nastupajo inflaciju čaka Berlinski senat na rozsudy Zwjazka a scyła njereaguje. Město toho pak zwyši popłatki za smjeće a parkowanje. Frakciska šefina AfD Kristin Brinker so kritice přizamknje.
Bus znjezbožił
To a tamne (10.02.23)
Inflacija dale wysoka
Wiesbaden (dpa/SN). Inflacija w Němskej je dale jara wysoka. Přetrjebarjo dyrbjachu w januaru 8,7 procentow wjace za energiju a wudźěłki płaćić hač lěto do toho, kaž Zwjazkowy statistiski zarjad dźensa po prěnim trochowanju zdźěli. Nowe wobličene daty a doskónčne wuslědki za januar maja so 22. februara wozjewić. Přirunujo z lońšim hodownikom stupachu płaćizny přetrjebarjow w januaru wo jedyn procent.
Financowanje tiketa rozkładł
Berlin (dpa/SN). Zwjazkowy wobchadny minister Volker Wissing (FDP) je za planowanu elektronisku formu přichodneho 49-eurow-tiketa za busy a ćahi wabił. Na dźensnišim posedźenju zwjazkoweho sejma je wón naćisk zakonja k financowanju noweho cyłozwjazkoweho poskitka za bliskowobchad předpołožił. Po tym chce Zwjazk wot lěta 2023 do 2025 stajnje 1,5 miliardow eurow přidatnje za zwoprawdźenje tiketa přewostajić. Wobchadne zwjazki změja mjenje dochodow, štož z pjenjezami narunaja.
Dźěłodawarjow pod ćišć stajili
