Před 570 přihladowarjemi je so sobotu w Kamjencu koparska hra w ...
Wusahowacy hrajer SJ Chrósćicy
Nawodnistwo SJ Chrósćicy je njedźelu do hry přećiwo Rotaciji Drježdźany čěskeho hrajerja Miroslava Sentivana za 100. dypkowu hru počesćiło.
Senti, tak jeho wšitcy mjenuja, bě a je wažna zepěra serbskeho mustwa, a to nic jenož při hrach w centralnym škiće, ale tež při wjedźenju a přihotowanju mustwa do hrow w Sakskej krajnej klasy. „Chcych poprawom hižo dawno koparsku karjeru doma w Libereckej wokolinje zakónčić, ale potom je mje mój přećel Pavel Runt wo tym přeswědčił, to z nim a dalšimi čěskimi hrajerjemi w Chrósćicach činić. Wot awgusta 2016 sym nětko hižo tu a njejsym to ženje wobžarował. Sym spokojny, hdyž móžu moje koparske nazhonjenja z praksy pola Slovana Liberec, Žołto-běłych w Zhorjelcu a Budissy Budyšin nětko młódšim dale posrědkować. To spodobne zdobom je, zo móžemy so tu w Chrósćicach njekomplikowanje w rěči dorozumić a fachowje wo kopańcy wuměnjeć a diskutować“, wón zwurazni. Chróšćanscy koparjo přeja jemu zhromadnje z Petrom Králíčekom a Pavelom Runtom hišće rjany čas. Jan MackaWuslědki (29.03.22)
Kopańca, regionalna liga žonow
Carl Zeiss Jena II – Rostockski FC 9:0 (5:0)
Magdeburgski FFC – 1. FFV Erfurt 1:1 (0:0)
Viktoria Berlin – Union Berlin 0:1 (0:0)
RB Lipsk II – DFC Šwikawa 7:1 (3:0)
Turbina Potstupim II – SFC Stern 4:0 (1:0)
Lipsk-juh – Türkiyemspor Berl. 0:12 (0:8)
krajna liga mužojo
Glauchau – Pirna-Copitz 4:1 (2:0)
Großenhainski FV – Freital wupad
Drježdźany-Strěžin – Taucha 0:1 (0:1)
Marienberg – Radebeulski BC 1:3 (1:1)
Lößnitz – Mittweidawupad
Drježdź.-Lubohósć – Markkleeberg wupad
Nowosólc-Hródk – Markranstädt 0:2 (0:1)
tabulka krajneje klasy
1. FSV Wódrjeńca 02 11 54 : 9 31
2. SV Wesenitzal 11 25 : 11 28
3. SC Borea Drježdźany 11 32 : 7 26
4. TSV Rotacija Drježdź. 11 17 : 13 20
5. VfB Běła Woda 1909 11 21 : 8 19
6. BSV 68 Sebnitz 10 23 : 20 18
7. Rakečanske ST 10 21 : 15 17
8. VfB Žitawa 12 19 : 28 14
9. Drježdźanski SC 1898 11 17 : 19 13
10. SG Weixdorf 11 16 : 25 12
11. SJ Chrósćicy 11 17 : 24 10
12. Drohotka Ramnow 11 13 : 28 9
13. ST Sachsenw. Drježdź. 11 7 : 27 9
14. ST Ćisk 12 11 : 38 5
15. FC Wocl Rěčicy-jězor 10 10 : 31 4
16. ST Trjebin (cofnyli) 0 0 : 0 0
wokrjesna liga, stafla 1
Bukecy – Ottendorf-Okrilla 0:7 (0:3)
Kubšicy – Arnsdorfske KT 2:1 (1:0)
Wjernarjecy – Bretnig-Hausw. 3:1 (0:0)
Wjazońca – Frankenthal 6:3 (2:0)
Wjelećin – HZ Huska/Hodźij 1:1 (1:0)
wokrjesna klasa, stafla 1
Germania Budyšin II – HZ ST Horni kraj-Sprjewja II 6:2 (3:1)
Wjernarj. II/Wjaz. II – Steinigtw. 1:7 (0:4)
ST Wjelećin II – ST Budyšin 0:0 (0:0)
ST Mały Wjelkow – ST Bart 0:1 (0:0)
Kapitan FC Energije podlěšił
Z wulkotnej powěsću su zamołwići regionalneho koparskeho ligista FC Energija (FCE) Choćebuz fanow překwapili. Kapitan Axel Borgmann je swoje zrěčenje w Choćebuzu podlěšił.
Tak budźe 27lětny, kiž je wot spočatka sezony swoje mustwo stajnje jako kapitan na kopanišćo wjedł, z FCE tež do noweje sezony 2022/2023 startować. Před Borgmannom su tež hižo Jonas Hildebrandt, Tobias Eisenhuth a Arnel Kujović připrajili dlěje za FCE hrać. Z dalšimi wukonliwymi koparjemi, kaž z Maksimilianom Proničewom, Erikom Engelhardtom a Tonijom Stahlom, dyrbja přichodne dny rozmołwy wjesć.
W prěnjej dypkowej hrě lěta 2022 je Energija Kamjeničanskemu FC snadnje z 0:1 podležała. Přichodnu dypkowu hru změja koparjo FCE w regionalnej lize-sewjerowuchod 3. apryla pola FC Eilenburga. Georg Zielonkowski
Serbski koparski derby mjez prěnim mustwom Sportoweho towarstwa 1922 ...
Kśišow a Choćebuz w finalu wo krajny pokal
FC Energija Choćebuz – SV Babelsberg 03 2:0 (2:0)
Zestawa domjacych: Stahl – Hasse, Böhmert, Hildebrandt, Borgmann, Erlbeck, Eisenhuth, Geisler (78. Juckel), Proničew (63. Mäder), Zografakis (90. Kremer), Engelhardt
slěd wrotow: 1:0 Zografakis (30.), 2:0 Engelhardt (36.)
FC Energija Choćebuz je z 2:0 wuspěchom přećiwo mustwu regionalneho ligista SV Babelsberg 03 krajne pokalne finale Braniborskeje docpěła. To samsne poradźi so koparskemu cyłkej VfB Kśišow. Zastupjer wyšeje ligi-juh ze wsy w gmejnje Gołkojce, něhdźe 12 kilometrow wot stadiona FCE zdalena, přesadźi so tež z 2:0 přećiwo MSV Neuruppinej z wyšeje ligi-sewjer. Tak wuhrajetej susodaj 21. meje finale wo krajny pokal.
FC Energija prezentowaše w prěnim połčasu najlěpšu hru w minjenych tydźenjach a nawjedowaše z 2:0. Šansy za wyši mjezywuslědk do přestawki nastachu mnohe, tak zo njetrjebaše so přiwisk FC Energije wo zaćah do finala starosćić. Tola po přestawce nasta před 4 200 přihladowarjemi runohódna hra. Škit hosćićela pak swójske wrota wuběrnje škitaše.
VfB Kśišow – MSV Neuruppin 2:0 (2:0)
Widźał, słyšał, napisał (28.03.22)
Jesse Marsch a RB Lipsk: To běše raz. Jenož pjeć měsacow je rodźeny Američan Marsch Lipšćanow trenował. A hačrunjež dyrbjał wón swět wokoło cyłeho sportoweho kompleksa firmy RedBull jako něhdyši trenar w Salzburgu a New Yorku cyle derje znać, je wón poměrnje zahe w Lipsku zwrěšćił. Sam sym Marscha w Lipsku někotre razy na kopańcy widźał. Ně, nic w stadionje pola RB. Ale w tak mjenowanej „Soccerworld“. Je to gigantiska něhdyša wikowanska hala, do kotrejež su dźewjeć mjeńšich koparskich polow z kumštnym trawnikom zatwarili. Kóžde polo skutkuje kaž tajka małka koparska klětka. Cyle tunje to drje njeje, hdyž sej tam z přećelemi dóńdźeš, za to pak móžeš so jako měšćan tež w zymje idealnje w suchim wucychnować. A runje tam sym loni kónc lěta Marscha widźał. Je sej tam runje tak kaž ja ze swojimi brjuchatymi přećelemi kopańcu zahrał. Jako „gajgl“ takrjec. Narěčeć a wo interview za Serbske Nowiny jeho poprawom chcył njejsym: „Njech sej tam ze swojimi kumplemi zahraje“, sej prajach.
Wuslědki (28.03.22)
Kopańca, wyša liga mužojo
Grimma – Plauen 1:2 (1:1)
Martinroda – Sandersdorf 2:1 (1:1)
Rudolstadt – HŁ Neugersdorf 1:0 (1:0)
krajna klasa
Žitawa – Borea Drježdźany 0:4 (0:1)
Ćisk – Rakečanske ST 0:1 (0:0)
Wódrjeńca – Drježdźanski SC 3:1 (2:0)
Wesenitzal – Běła Woda 0:0 (0:0)
Chrósćicy – Rotacija Drježdźany 3:0 (2:0)
Ramnow – Sachsenw. Drježdź. 0:2 (0:0)
krajny pokal
Kamjenc – Zwickau 0:5 (0:2)
Wilsdruff – Rabenstein 7:6 (1:0)
Budyšin – Chemija Lipsk 0:2 (0:0)
Biskopicy – Kamjeničanski FC 1:3 (1:1)
Sport (25.03.22)
Wolejbulowe hry
Serbski wolejbulowy derby mjez mustwomaj ST Marijineje hwězdy a Sokoła Budyšin je za štwórtk, 31. měrc, w 19.30 hodź. postajeny. Hru přewjedu w Pančičansko-Kukowskej sportowej hali. Hosćićeljo změja tón dźeń dwaj bojej. Dalši přećiwnik budźe třeće zastupnistwo MSV Budyšina.
Mustwo 1296 přeprošuje
Wólnočasne wolejbulowe mustwo abiturneho lětnika Serbskeho gymnazija Budyšin z lěta 1996 je sej šěsć wólnočasnych cyłkow z Budyšina, Kulowa, Ralbic, Radworja, Chrósćic a Worklec na turněr „Witamy nalěćo“ přeprosyło. Přewjesć chcedźa jón póndźelu, 4. apryla, wot 19 hodź. w Ralbičanskej ćěłozwučowarni. Hrajerjo zetkaja so we 18.30 hodź.
Kónctydźenska kopańca
Jutře a njedźelu wotměja so w Hornjej Łužicy hnydom wjacore šlagrowe koparske hry. K nim słušeja na přikład štwórćfinale w krajnym pokalnym kole mjez Budissu Budyšin a Chemiju Lipsk, wosmifinale w samsnym wubědźowanju mjez Jednotu Kamjenc a FSV Šwikawu, derby w krajnej klasy mjez mustwomaj z Ćiska a Rakec kaž tež serbski derby we wokrjesnej lize mjez koparjemi z Radworja a Chrósćic.
26.03. 14:00 Jednota Kamjenc –
FSV Šwikawa
Drježdźanjenjo čakaja dale na tři dypki
1. FC Nürnberg –
Dynamo Drježdźany 1:1 (1:1)
Zestawa hosći: Broll – Giorbelidze, Knipping, Sollbauer, Akoto, Stark (86. Will), Kade, Batista Meier (46. Mörschel), Diawusie (68. Drchal), Daferner, Schröter
Poslednje dobyće za koparske mustwo z Drježdźan datěruja na 12. december minjeneho lěta. Tež njedźelu nochcyše so Dynamowcam wuspěch z třomi dypkami zešlachćić. Dypk z Nürnberga pak su tola rady sobu wzali.
