Nowe stafle NOFV
Prezidij Sewjerowuchodneho koparskeho zwjazka (NOFV) je po swojim zjězdźe 25. junija 2021 slědowacym zjednoćenstwam přizwolenje wudźělił a rjadowanje staflow za hrajne klasy NOFV za sezonu 2021/2022 wobzamknył.
wyša liga-stafla sewjer
SC Staaken 1919
Greifswaldski FC
Torgelowski FC Greif
RSV Eintracht 1949
FC Hertha 03 Zehlendorf
Steglitzski FC Stern 1900
FC Hansa Rostock II
TSG Neustrelitz
HZ Módro-běli 1890 Berlin
MSV Pampow
Rostockski FC wot 1895
Charlottenburgski FC Hertha 06
SV Victoria Seelow
1. FC Lok Stendal
Braniborski SC Juh 05
Ludwigsfelder FC
BSV Eintracht Mahlsdorf
MSV 1919 Neuruppin
FC Mecklenburg Schwerin
Chróšćanscy koparjo maja hišće dosć dźěła před sobu
SJ Chrósćicy –
ST Hnašecy/Dobruša 1:1 (1:0)
Za domjacych zasadźeni: Hejduška, Králíček – L. Zahrodnik, Mark, Runt, B. Cyž, Sentivan, Bogusz, Kreuz, Krawc, M. Zahrodnik, Donat, Wornar, C. Handrik, G. Zahrodnik, M. Cyž, S. Handrik, Zynda
Swoju druhu testowu hru přewjedźechu koparjo SJ Chrósćicy přećiwo Hnašecam/Dobruši. Při słónčnym wjedrje bě tež tójšto přiwisnikow wobeju mustwow na Chróšćanske sportnišćo přišło. Domjacy trenar Pavel Runt měješe nimale cyły kader k dispoziciji, tak zo móžeše znowa młodych hrajerjow testować.
Maturanća SGB we wolejbulu so suwerenje přesadźili
Tradicionalnej wolejbulowej dwubojej na Serbskim gymnaziju Budyšin (SGB) wotměštej so minjeny štwórtk. 29. duel muskeje generacije rozsudźichu maturanća z 3:0 přećiwo swojim wučerjam, rozžohnowace so abiturientki přewinychu wučerki z 2:0.
Tradicionalnej duelej při wysokim saku stej minjeny štwórtk krótko do 14 hodź. mnohich šulerjow wjacorych lětnikow přiwabiłoj, a to do sportownje Serbskeho a šulskeho zetkawanskeho centruma Budyšin. Wulki fanowy blok našich dwanatkarjow postara so wo porjadnu atmosferu a tworješe tak perfektny ramik wubědźowanja. Za musku generaciju SGB bě to mjeztym 29. wolejbulowy duel. 26. meje 1993 běchu so abiturienća přećiwo swojim wučerjam z 3:2 přesadźili. Tež tónraz juskachu woni nad jasnym 3:0, dobywši jednotliwe přechody 25:21, 25:19 a 25:18. W mustwje tči njesměrny potencial, kotryž je wone tón dźeń přeswědčiwje wužiwało. We wurisanjach „Młodźina trenuje za olympiju“ je tónle lětnik 2019 z kapitanom Jakubom Bobku mjez šěsć finalistami 4. městno wobsadźił a lěto pozdźišo so z bronzu do Łužicy wróćił (SN rozprawjachu).
Skónčnje zaso dwě mustwje
25. junija 2017 je druhe mustwo Sokoła Ralbicy/Hórki dotal swoju poslednju dypkowu hru přewjedło. Po tym so mustwo mało koparjow dla rozpušći, a wot toho časa eksistowaše w Delanach jenož hišće jedyn cyłk muži. Wot noweje sezony pak změja tam zaso dwej muskej mustwje, kaž je to Jurij Bjeńš wot Chrystofa Gloxyna zhonił.
Wot noweje sezony změje Sokoł RalbicyHórki zaso dwě koparskej mustwje muži. Trjechi to?
Ch. Gloxyn: Haj, cyle prawje. Hižo loni smy wo tym přemyslowali, rezerwu za prěnje mustwo Sokoła znowa załožić, tola tehdy mějach hišće trochu brjušebolenje. Třo do štyrjo hrajerjo mi tehdy pobrachowachu ...
... a lětsa tu su?
Ch. Gloxyn: Situacija je podobna kaž loni. Mamy něhdźe 30 aktiwnych koparjow, k tomu hišće toho abo tamneho, kiž by hdys a hdys někotre hry přewjedł. Chcu cyle jednorje kóždemu móžnosć skićić, kónc tydźenja jednu dypkowu hru přewjesć móc. Jako trenar běše za mnje minjeny čas stajnje jara ćežko. Wšako dyrbjach hrajerjam zdźělić, zo njejsu w kadrje. Tohodla je nuznje trjeba skónčnje zaso druhe mustwo pola Sokoła měć.
Dorost w Habrachćicach hrał
Nowe zestawy koparskich staflow NOFV
Prezidij Sewjerowuchodneho koparskeho zwjazka (NOFV) je po swojim zjězdźe 25. junija 2021 slědowacym zjednoćenstwam přizwolenje wudźělił a rjadowanje staflow za hrajne klasy NOFV za sezonu 2021/2022 wobzamknył.
Regionalna liga-sewjerowuchod
1. FC Lokomotiwa Lipsk
Berlinski AK 07
BFC Dynamo
BSG Chemija Lipsk
Kamjeničanski FC
FC Carl Zeiss Jena
FC Eilenburg
FC Energija Choćebuz
FSV 63 Luckenwalde
FSV Optik Rathenow
FSV Union Fürstenwalde
Hertha BSC
SV Babelsberg 03
SV Lichtenberg 47
SV Tasmania Berlin
Tennis Borussia Berlin
VfB Auerbach 1906
VfB Germania Halberstadt
VSG Altglienicke
ZFC Meuselwitz
(Dalše zestawy staflow hišće wozjewimy.)
Kilian Hrjehor
Italska druhi raz europski mišter
Napjate koparske finale z dwojimi wrotami, podlěšenjom a wosebitym třělenjom jědnatkow
London (kh/SN). W nocy wot njedźele na póndźelu přesadźi so Squadra Azzurra přećiwo wubrance Jendźelskeje ze 4:3 po třělenju jědnatkow na europskich mišterstwach (EM) a je sej tak europsku koparsku krónu na hłowu stajiła.
Napjatosć kaž při wulkich mišterstwach
Wulkotna nalada knježeše sobotu na arealu Budyskeho sportoweho towarstwa Post Germania. Tam wuhotowachu sobustawy towarstwa znowa kopańcowy turněr pěstowarnjow.
Při najrjeńšim wjedrje pokaza wjace hač 30 dźěći w sydom mustwach swój talent. Nimo mustwa hosćićelow hrajachu młodej koparce a młodźi koparjo z Budyskeju pěstowarnjow „Katolski dom dźěći“ a „Sebastian Kneipp“, z Bukečanskeje a Kubšiskeje pěstowarnje. Na kromje polow pohonješe dobre sto sotrow, bratrow, staršich, wowkow, dźědow a přećelow hłósnje palcowacu a třělacu dźěćinu. Naposled bě jenož dobyćerjow, ze słódnym lodom swjećachu wšitcy krasne dožiwjenje. Zjawny dźak słuša hłownymaj organizatoromaj Dieterej Branskyjej a Lutzej Voigtej, kotrajž hižo dołhe lěta na polu dorosta skutkujetaj a holcy a hólcow za kopańcu zahorjataj, a wězo wšěm čestnohamtskim pomocnikam.
Serbske mustwo so bohužel njewobdźěli, ale serbski hólčec z druheho mustwa Katolskeho domu dźěći bě z pjeć wrotami mjez najwuspěšnymi třělcami.
Widźał, słyšał, napisał (12.07.21)
Tampa Bay Lightning, Stanley-Cup Champion 2021! Nětko, nimale srjedź julija, je rozsud potajkim padnył. Najpožadaniša trofeja lodohokeja dźe wospjet do słónčneje Floridy. W rozsudnej finalnej bitwje napřećo Kanadźanam z Montreala přesadźi so amtěrowacy champion po pjeć hrach. Ja wšak hokejistam z Tampy titul wjace hač popřeju. Sprěnja maja wulkotne mustwo, kotrež hraje krasny, ale zdobom tež jara efektiwny lodohokej. Zdruha smětaj so z dobyćom dalšej čěskej hrajerjej z grawuru w pokalu Lorda Stanleyja zwěčnić: Jan Rutta a Ondřej Palát. Wosebje Palát je ze swojim njesprócniwym twjerdym „dźěłom“ před wrotami přećiwnika tójšto k wuspěchej mustwa přinošował. A střeća smědźachu so hrajerjo Tampy lětsa po dobyću mišterstwa w nimale połnej domjacej arenje tak prawje wot swojich fanow swjećić dać. Porno tomu běše lońše dobyće před prózdnymi kulisami (korona!!!) kaž dźěćaca narodninska party bjez limonady a słódkosćow. Za přiwisnikow kanadiskich mustwow woznamjenja přěhrate finale Montreala dalše čakanje na požadany 20 kg ćežki pokal.
Sport (09.07.21)
Póndźelu startuje bičtura
Bičwolejbulowa tura Radija Satkula lětsa zaso budźe, a to wot 12. julija do 30. awgusta. Stajnje póndźelu přewjedźe so wot 18 do 22 hodź. dohromady sydom turněrow pod hołym njebjom. Wulke finale budźe kónc awgusta pod třěchu w Bobkec jěchanskej hali w Miłoćicach.
Terminy: 12.07. Wotrow, 19.07. Kulow, 26.07. Worklecy, 02.08. Radwor, 09.08. Róžant, 16.08. Konjecy, 23.08. Budyšin, 30.08. Miłoćicy
Testowe koparske hry
09.07. 18:30 Sokoł Ralbicy/Hórki –
Hermsdorf (stara garda)
09.07. 18:30 HZ Wóslink/Skaskow/Kulow II – Sokoł Ralbicy/Hórki (w Kulowje)
10.07. 12:00 ST Marijina hwězda – Drježdź. SC (młodźina E)
10.07. 13:30 VfB Běła Woda 1909 – FSV Budissa Budyšin
10.07. 15:00 SJ Chrósćicy –
ST Hnašecy-Dobruša
10.07. 16:00 Motor Kumwałd –
Traktor Malešecy
11.07. 11:00 Sokoł Ralbicy/Hórki –
ST Ćisk
11.07. 15:00 ST 1922 Radwor –
LSV Hory
16.07. 18:30 Rakečanske ST –
FSV Budissa Budyšin
17.07. 14:00 Zeleno-běli Lubnjow –
FSV Budissa Budyšin
17.07. 17:00 Sokoł Ralbicy/Hórki –
Zeleno-běli Bukecy
24.07. 13:00 FSV Budissa Budyšin –
Brjazki-Zły Komorow
Triatlonowe wubědźowanje
