Wuslědki (19.10.17)
Krajna koparska klasa
Neugersdorf II – Nowos.-Hródk 2:3 (1:2)
Drježdźanski SC – Laubegast 3:4 (1:3)
Ćisk – Trjebin2:1 (0:0)
Mužakow – Oderwitz 3:2 (3:1)
Borea Drježdźany – Chrósćicy 5:2 (2:1)
Weixdorf – Horni kraj-Sprjewja 3:0 (1:0)
1. LSV Nowe Město 8 28 : 19 18
2. FSV Oderwitz 8 21 : 12 17
3. Čerwjeno-běli Mužakow 8 25 : 15 14
4. FC Neugersdorf II 8 18 : 9 13
5. ST Horni kraj-Sprjewja 8 21 : 13 13
6. ST Trjebin 8 13 : 20 12
7. ST Ćisk 8 11 : 19 12
8. FSV Nowosólc-Hródk 7 15 : 11 11
9. SZ Drježdźany-Strěžin 8 18 : 10 10
10. SG Weixdorf 8 13 : 13 8
11. Laubegast 8 18 : 22 8
12. SC Borea Drježdźany 8 18 : 29 8
13. SJ Chrósćicy 8 11 : 25 7
14. Drježdźanski SC 7 16 : 29 4
wokrjesna liga, stafla I
Połčnica – Horni kraj-Sprjewja II 4:1 (1:0)
1. TSV Wachau 8 23 : 0 22
2. Traktor Malešecy 8 28 : 9 21
3. TSV Połčnica 8 26 : 8 19
4. Concordia Załom 8 15 : 8 17
5. TSV Wjernarjecy 8 18 : 14 16
6. ST Porchow 8 13 : 7 15
7. FV Ottendorf-Okrilla 8 17 : 13 15
8. Arnsdorfske KT 8 17 : 12 14
9. SV Frankenthal 8 15 : 13 13
10. ST Horni kraj-Sprjewja II 8 29 : 19 8
11. SC Großröhrsdorf II 8 7 : 10 7
12. SV Großharthau 8 8 : 12 7
13. SV Budissa Budyšink 8 3 : 42 4
14. Germania Budyšin II 8 12 : 23 3
15. Bretnig-Hauswalde 8 7 : 29 1
16. ST Huska 8 9 : 28 0
Čórlich cyłkowny dobyćer
Při kejžorskim nazymskim wjedrje wotmě so minjenu sobotu w Biskopicach štwórty raz wosebity běh ze zadźěwkami pod hesłom „Schiebock běha extrem“ po tamnišim sportowym arealu a hłownje w měšćanskim lěsu při rěce Wjazeńca (Wesenitz). Na kołokursu z mnohimi zadźěwkami dyrbjachu běharjo swoju spěšnosć, wutrajnosć a wosebje tež wušiknosć na štyrjoch abo wosom kilometrach dopokazać. Na tymaj distancomaj wobdźěli so 648 atletow. Mjez nimi je tež lětsa zaso horstka Serbow wuspěšnje wojowała.
Cyłkownaj dobyćerjej na 8 km běštaj Jakub Čórlich z Němcow z 34:01 min a Franziska Kranich z Niskeje z 43:42 min. Jakub Čórlich běše hižo 2015 cyłkowny dobyćer a loni cyłkownje druhi. Maik Petzold z Budyšina docpě 3. městno (35:41 min). Z brawuru wojowali su tež tamni serbscy starterojo. Richard Paška z Kanec wobsadźi jara dobre 6. městno (37:55 min), Roman Měrćink z Baćonja wubědźi sej prima 13. městno (40:51 min) a 16lětny Leo Čórlich z Budyšina wobsadźi mjez 185 muskimi njewočakowane 97. městno (50:50 min).
Jurij Nuk
W pokalnym kole słaby wukon pokazali
HZ Kubšicy/Bukecy
– ST Marijina hwězda 3:1 (1:1)
Zestawa hosći: Matik – Czapik, Pakoßnick, Jurš, R. Hawš, Peschmann (9. Kuring), Rab, O. Hawš, Eldor, Prasse (67. O. Schmidt), Čornak (85. Hübner)
Wuslědki (18.10.17)
Wokrjesna koparska liga, stafla II
1. ST Lubuš 8 27 : 7 22
2. HZ Łaz/Běły Chołmc 8 25 : 11 19
3. Natwar Němske Pazlicy 8 32 : 8 18
4. SV Haselbachtal 8 29 : 12 18
5. FSV Łuty 8 14 : 9 16
6. SJ Njebjelčicy 8 12 : 15 14
7. ST Marijina hwězda 8 18 : 11 12
8. Nowe Město II 8 14 : 19 12
Rafał Šěrak rjek hrajneho dnja
Napjata blidotenisowa hra wuwi so při dypkownej hrě mjez DJK Konjecy a SZ Seeligstadt njedawno na Konječan wjesnej žurli. Hosćo běchu do duela hišće bjez poražki a chcychu seriju dale wjesć. Konječenjo dyrbjachu z Pětrom Bejmu stajneho hrajerja narunać. Rafał Šěrak z třećeho mustwa jeho zastupowaše. Po dwójkach nawjedowachu Konječenjo z 2:1 a po prěnim kole jednotliwcow 6:3. Wšitko wupadaše za jasnym dobyćom. Tola w druhim kole přińdźechu do wuskosćow, a to při stawje 8:6. Nětko wotwisowaše wšitko wot rezerwoweho hrajerja Šěraka. Přez njewšědny wukon hewak wo dwě klasy niže hrajaceho – doby rozsudny duel z 3:1 – móžachu serbscy blidotenisća z 9:6 dobyć.
Wrota běchu žadna twora
FSV Budissa Budyšin
– 1. FC Lok Lipsk 0:0
Zestawa domjacych: Ebersbach – Barnickel, Hoßmang, Patka, Kunze, Weiß, Krawčik (71. Milde), Schmidt, Müller (87. Kloß), Gehrmann (77. Hänsch), Bönisch
Spokojacy start za blidotenistow
Nowa hrajna doba je za dorost Viktorije Worklecy kaž mały nowozapočatk, dokelž dyrbjachu so hnydom třo nowi hrajerjo do mustwa integrować. Šulskich a hinašich přičin dla su třo młodźi blidotenisća mjenujcy bičk načasnje nabok połožili. Čim rjeńšo je widźeć, kak hižo nazhonjeni hrajerjo nowačkam pomhaja so w treningu a w hrě dale wukmanjeć.
Prěnjej hrě přećiwo TTV 97 Kamjenc a přećiwo druhemu zastupnistwu SZ Módro-běli Njeswačidło skónčištej so ze sprawnym 7:7. Nazhonjeni zajacy Benjamin Grutka, Jurij Čornak a Jerome Wićaz wudobychu sej kaž wočakowane dypki a zawěsćichu za Viktoriju porjadny start do noweje sezony. Za nowačkow Titusa Kubicu, Laurenca Wićaza a Mariju Rječkec, kotřiž hakle lěto trenuja, rěka w prěnich hrach wosebje wjeselo měć, so wuspytać a toho jednoho abo druheho přećiwnika prosće mjerzać. Dotal so hišće nikomu njeje poradźiło sej dypk za mustwo wudobyć, za to pak su prěnje sadźby za sebje rozsudźić móhli. Tež nazwučowarjo přećiwnikow su to hižo z chwalbu mytowali.
Mały derby we wokrjesnej lize
Rakečanske ST II
– SJ Chrósćicy II 2:1 (1:1)
Zestawa hosći: Cyž – Mark, Mohaupt (72. Pjetaš), Wowčer, Šiman, Liznar, Lešawa, Klimant (46. Dehn), Zahrodnik, Dórnik, Šmit (84. Förster)
Po wosom hrach steji rezerwa SJ Chrósćicy přeco hišće bjez dypka na poslednim městnje tabulki wokrjesneje ligi, stafle II. Z Rakečanskej rezerwu mějachu hosćo runohódneho přećiwnika. Jako postupnik pak je to wězo ćešo. Nimo toho zašłe tydźenje pokazachu, zo njeje so přeco hišće prawy system namakał. Z Michałom Wowčerjom, kiž po zranjenju zaso hraješe, běše so tež zaso lěpše sebjewědomje do Chróšćanskeho mustwa wróćiło.
Serbscy atleća podestne městna docpěli
Wuhódnoćenje a dostojne mytowanje prěnich třoch kóždeje starobneje skupiny Wopačanskeho cupa wotmě so minjeny kónc tydźenja. Wšitcy dóstachu pokal, po tradiciji zhotowjeny z wosebiteho kamjenja tudyšeho skałarstwa, wudźěłk hornčerstwa kaž tež wotpowědne wopismo.
Z cyłkownje 15 wubědźowanjow cupa po cyłej Hornjej Łužicy běchu dźesać najlěpšich zaso do kónčneho hódnoćenja zapřijeli. Tele wuměnjenje je dźesać serbskich lubowarjow běhanja tež lětsa spjelniło, a połojca z nich bu tež na dobyćerskim podesće wuznamjenjena. Na dobyćerskim podesće steješe Leo Čórlich z Budyšina (starobna klasa U 18/13 běhow/294 dypkow) a na bronzowym schodźenku běchu to třo: Richard Paška z Kanec (sk 20/9/277), Silvio Schade z Budyšina (sk 45/9/284) a Jurij Nuk z Budyšina (sk 80/5/144). Corinnu Měrćinkowu z Chelna počesćichu za 3. městno we walkingu z dźesać wubědźowanjemi.
Widźał, słyšał, napisał (17.10.17)
Awtor dźensa
Stefan Šmit
Hišće přeco słyšu tu a tam rozmołwy wo sportowym wjeršku w kopańcy njedawno w Chrósćicach. W třećim kole wo pokal sakskeho koparskeho zwjazka nastupi profijowe mustwo z třećeje najwyšeje ligi w małej serbskej wsy. Wjace hač 700 přiwisnikow přichwata wonu njedźelu do Chróšćanskeho stadiona, byrnjež wjedro runjewon najrjeńše njebyło. A tež hdyž je serbske mustwo na kóncu 0:5 podležało a bjez šansy na dobyće z pokalneho wubědźowanja zlećało, je hra přećiwo profijam tež hišće dwě njedźeli po tym přičina tójšto zajimawych rozmołwow. Z jedneje tajkeje sym prašenje wusłyšał, čehodla njebě kamery w stadionje, kotraž je hru nahrawała a čehodla so žane wobrazy wo hrě w telewiziji njepokazaja. Wotmołwa je cyle jednora. Jeli chce něchtó wurězki hry w telewiziji pokazać, dyrbja so prawa kóždeje jednotliweje hry wot koparskeho zwjazka kupić. Dokelž pak jednaše so wo hru třećeho koła wubědźowanja, kotrejež wuslědk bě měnje abo bóle wotwidźomny, njeje so žana redakcija za to rozsudźiła, prawa kupić.
