Wuslědki (05.06.24)
Kopańca, wokrjesna wyša liga
SC Großröhrsdorf – Kulow 6:1 (2:0)
Łaz/Běły Chołmc – Sokoł 2:3 (1:3)
ST Radwor – ST Ćisk 5:0 (2:0)
Wachau – Drohotka Ramnow 4:3 (2:0)
1. Biskopičanske KT II 30 113 : 22 73
2. ST Horni kraj-Sprjewja 29 98 : 40 66
3. ST Hnašecy-Dobruša 30 112 : 56 60
4. Natwar Němske Pazlicy 29 86 : 55 55
5. SG Großnaundorf 30 60 : 50 55
6. Sokoł Ralbicy/Hórki 30 68 : 55 52
7. SC Großröhrsdorf 30 70 : 55 49
8. Drohotka Ramnow 30 75 : 52 46
9. Módro-běli Kulow 30 53 : 53 43
10. TSV Połčnica 29 51 : 53 42
11. FV Ottendorf-Okrilla 29 56 : 77 32
12. HZ Łaz/Běły Chołmc 30 42 : 76 32
13. TSV Wachau 30 46 : 86 24
14. Hlinowski SK 30 44 : 79 23
15. ST Radwor 30 43 : 91 19
16. ST Ćisk 30 32 : 149 7
Wokrjesna klasa stafla III
Łuty II – ST Njeswačidło 1:2 (1:1)
Halštrow/Hlinowc II – Kamjenc 2:5 (0:2)
W. Dubrawa II/Radwor II –
HZ Ralbicy II/Pančicy II 2:5 (0:4)
1. Zeleno-běli Sepicy 20 81 : 24 45
2. ST M.-běli Njeswačidło 20 57 : 21 45
3. SJ Njebjelčicy 20 50 : 26 41
4. Běła/Cunnersdorf/Němske Pazlicy III
19 73 : 36 37
5. HZ Wulka Dubrawa II/Radwor II
20 41 : 51 27
6. HZ Ralbicy II/Pančicy II 20 35 : 44 26
7. Jednota Kamjenc 20 34 : 39 24
8. HZ Halštrow/Hlinowc II 20 51 : 60 22
9. Wujězd/Łaz/B. Chołmc 20 32 : 54 20
10. ST Lubuš II 19 31 : 39 16
11. FSV Łuty II 20 17 : 108 4
Krótko do kónca hru zwjertnyli
ST Marijina hwězda –
HZ Huska/Hodźi 3:2 (1:1)
Zestawa domjacych: Matik – Wróbl, Zynda (46. R. Cyž), T. Jurš, Hoge (77. Lugge), Langer (59. Clausen), Ch. Cyž, Eldor, Schmidt (65. Ladewig), J. Pakoßnick, D. Jurš (49. Zelnak)
Na poslednim hrajnym dnju sezony 2023/24 witachu klóšterscy koparjo hrajne zjednoćenstwo z Huski/Hodźija. Zaměr do hry bě dobyć a tak 50 dypkow docpěć, štož so po wulkim boju krótko do kónca tež zešlachći.
Lěpje startowachu hosćo, kotřiž hižo po 5 min. nawjedowachu. Po spěšnym zamjeće přesadźi so Stefan Heiduck hnydom přećiwo třom škitarjam domjaceho mustwa a trjechi z pjeć metrow z kónčkojteho kuta přez noze Dawida Matika k 1:0. A jenož dwě mjeńšinje pozdźišo měješe Max Fischer po róžku móžnosć na 2:0 zwyšić, ale wrota snadnje misny. Na tamnym boku mějachu Pančičenjo składnosć na wurunanje, tola hłójčkowany bul Jakoba Pakoßnicka po róžku Feliksa Langera zamó wrotar Robert Neumann znješkódnić (10.).
Po tutej hrajnej scenje dyrbješe so partija njewjedra dla nimale poł hodźiny přetorhnyć.
Suwereny dobyćer wokrjesneje klasy Budyšin stafla sewjer, druhe ...
Koparki wuspěšnje testowali
Pjatk nawječor bě so Serbske mustwo žonow-koparkow do Choćebuza podało, zo by treningowe lěhwo jako přihot na lětuše europske koparske mišterstwa awtochtonych mjeńšinow přewjedło. Dohromady 14 hrajerkow z Hornjeje, srjedźneje a Delnjeje Łužicy so na přihotowanskim kóncu tydźenju wobdźěli.
Pjatk wječor bě prěnja treningowa jednotka z wšelakorymi standardami planowana. Tuta pak dyrbješe so sylneho dešća a njewjedra dla přetorhnyć. Město toho wotměchu teoretiske zwučowanje, z kotrymž so z pomocu taktikoweje tafle wotkopam a róžkam wěnowachu.
Rańši sport w formje lochkeho joggowanja steješe sobotu rano do snědanja na planje. Po zhromadnej snědani wotjědźe serbske mustwo žonow do Gießmannsdorfa na treningowu hru.
Sokoljo sej wažne tři dypki wudobyli – šeste městno zachowali
HZ Łaz/Běły Chołmc –
Sokoł Ralbicy/Hórki 2:3 (1:3)
Zestawa hosći: Žur – Heidorn, Rachela, Schultz, Woko, Korjeńk, Rawš, Gloxyn, Jakubaš, Šiman (50. Materna), Šołta
Sokoljo chcychu poslednju hru hrajneje doby 2023/2024 wězo dobyć a sebi tak šeste městno w tabulce zachować. Na tamnym boku stejachu hosćićeljo na 12. městnje tabulki. Lěpše zaměstnjenje w tabulce rěka, zo je šansa klasu zachować wyša, wšako njeje jasne, kelko mustwow z krajneje klasy zestupi.
Najebać dobry wukon žadyn wuspěch
ST Drohotka Ramnow –
ST Radwor 3:2 (1:1)
Zestawa hosći: Pěčak – B. Grubert, Omran, Dźisławk, Mička, Wjacławk (62. Reineke), Nuk (82. M. Grubert), N. Šnajder, Paška (82. Wróbl), R. Šnajder, Schulze
W prěnim połčasu mějachu Radworčenjo hosćićelow dosć derje pod kontrolu. Potom bě to Tom Schulze, kiž w 30. mjeńšinje bul přez wrotowu liniju k 1:0 suny. Přez mału njekedźbliwosć w 42. mjeńšinje zamóchu domjacy k 1:1 wurunać.
W druhim połčasu sej hrajerjo Drohotki wjace předewzachu, dokelž nochcychu so dale tak prezentować. Tuž wjace běhachu a Radworčanam hru poćežowachu. Přiwšěm móžeše Johannes Wjacławk w 60. mjeńšinje nawjedowanje 1:2 docpěć. Ale krótko na to Ramnow zaso wuruna. Nětko Radwor nimale jenož hišće zakitowaše a wrotar Jakub Pěčak móžeše tež někotre razy dalšim wrotam zadźěwać. Ale w 77. mjeńšinje nochcyše nichtó přećiwniskeho hrajerja mylić, kotryž sam na wrotarja běžeše a doskónčne nawjedowanje docpě. Julien Glücklich
Po přihotowanskej hrě za Europeadu 2024 zestupachu so koparki ...
Z dobyćom so rozžohnowali
ST Radwor –
ST Ćisk 5:0 (2:0)
Zestawa domjacych: Ehrlich (60. J. Pěčak) – B. Grubert, M. Grubert, Omran, Paška, Wjacławk, Glücklich (68. Nuk), N. Šnajder, Reinecke (79. Wróbl), Schulze, R. Šnajder (74. L. Pěčak)
To bě posledni hrajny dźeń sezony 2023/2024 a najprjedy raz poslednja partija we wokrjesnej wyšej lize za Radworčanow. Rozžohnować chcychu so wězo z dobyćom. Nimo toho chcychu tež wotchady z rjanym rozžohnowanskim dožiwjenjom hišće raz porjadnje počesćić.
Hnydom na spočatku partije mějachu hosćićeljo spěšnje přewahu nad hru a profitowachu nastajnosći wot zmylkow přećiwnikow. W 4. mjeńšinje łakaše Richard Šnajder na špatne přihrawki hosći a pochłosta zmylk z 1:0. Ale tež hosćićeljo derje njestejachu a wostajichu hdys a hdys hosćom trěbne městno. We wrotach pak steješe z Alexanderom Ehrlichom njepřewinjomny posledni muž. Jemu dyrbjachu so Radworscy koparjo w prěnim połčasu dźakować, zo so nula dźeržeše.
Widźał, słyšał, napisał (03.06.24)
Awtor dźensa
Jurij Bjeńš
Škoda, tam bě wjace móžno, rěkaše znajmjeńša mój facit sobotnišeho koparskeho finala w champions league. Chceš-li so přećiwo Real Madrid přesadźić, a to njetrjebaš eksperta w kopańcy być, dyrbiš kóždu móličku šansu wužić a ju k wrotam přetworić. To so hrajerjam Borussije Dortmund wosebje w prěnim połčasu woneho finala poradźiło njeje. A potom bě zaso raz přišło kaž bě hižo někotre razy w rozsudnych hrach „kralowskich“ z Madrida přišło: Někajki zmylk tu, dalša njejasnosć tam a naraz steješe 2:0 za Real. A Carlo Ancelotti, trenar Madridźanow, skutkowaše tak, jako njeby ničo druhe wot swojich muži wočakował. „Madrid njehraje kopańcu, woni ju dobudu“, sym nihdźe po tym čitał.
Sport (31.05.24)
Serbske mustwo w Slepom
Serbske koparki z Delnjeje Łužicy, srjedźneje Łužicy a z Hornjeje Łužicy zakónča njedźelu připołdnju třidnjowske treningowe lěhwo w Slepom z přihotowanskej koparskej hru přećiwo holcam a žonam FC Energije Choćebuz. Hrać budźe so njedźelu wot 11 hodź. na trawniku sportoweho towarstwa Lok Slepo.
Koparjo na cilowej čarje
Na wokrjesnej runinje přewjedu so dźensa a jutře poslednje dypkowe hry sezony 2023/2024.
01.06. 13:00 W. Dubrawa/Radwor II –
HZ Ralbicy II/Pančicy II
01.06. 15:00 Drježdźanski SC –
SJ Chrósćicy
01.06. 15:00 SC Großröhrsdorf –
Módro-běli Kulow
01.06. 15:00 HZ Łaz/Běły Chołmc –
Sokoł Ralbicy/Hórki
01.06. 15:00 ST Radwor – ST Ćisk
02.06. 14:00 Biskopičanske KT 08 –
SG Union Sandersdorf
02.06. 15:00 ST Marijina hwězda –
HZ Huska/Hodźij
02.06. 15:00 TSV Wjazońca –
SJ Chrósćicy II
Krabatowy firmowy běh
Sportowy klub Wojerecy přewjedźe 5. junija swój 5. Krabatowy firmowy běh, a to w Čornym Chołmcu. Kóžde mustwo wobsteji z pjeć do dźesać běharkow a běharjow, kiž su stajnje 2 km abo 4 km po puću. Cyłkownje dyrbja 20km běžeć.
Jěchanske a skakanske turněry
W lěćnych měsacach přewjedu so znowa wjacore jěchanske, skakanske a jězdne wubědźowanja.
