Moskwa (ČŽ/K). Prezident Wladimir Putin je zawčerawšim swjatočnje wotewrěł nowy móst, zwjazowacy lěta 2014 zdobytu połkupu Krim nětko direktnje z ruskim teritorijom. Wuwjedł je Putin ceremoniju na swojorazne wašnje. Najprjedy rozhladowaše so po wobchad kontrolowacej dispatcherni, po tym postrowi twarcow nahladneho projekta a naposledk je jako šofer KAMAZa na čole kolony wozydłow z twarskej techniku jěducy wobchad po mosće zahajił.