Bagdad/Berlin (dpa/SN). Njeznaći su ­w irakskej stolicy Bagdadźe po informacijach tamnišeho nutřkowneho ministerstwa němsku kuratorku a kulturnu posrědnicu Hellu Mewis zawlekli. Irakske wěstotne mocy za njej pytaja. W Berlinje rodźena Mewis bydli hižo wjacore lěta w Bagdadźe. Tam dźěła wona w kulturnym instituće Bait Tarkib, kotryž spěchuje dźěło młodych irakskich wuměłcow. Hellu Mewis běchu wčera wokoło 20 hodź. blisko instituta zawlekli.

Wukrajne zasadźenje schwalene

Kairo (dpa/SN). W Libyskej hrozy direktna wojerska konfrontacija turkowskich a egyptowskich jednotkow. Egyptowski parlament je wčera wojerskemu zasadźenju w susodnej Libyskej přihłosował, hdźež howri wobydlerska wójna. Zapósłancy hłosowachu za „wojerske zasadźenja zwonka Egyptowskeje, zo by narodna wěstota přećiwo kriminelnym a wobrónjenym milicam a wukrajnym teroristiskim elementam“ škitana była. W Libyskej wojuje general Chalifa Haftar přećiwo knježerstwu w Tripolisu.

Trump hrozy demonstrantam