Mócny rozbuch libanonsku stolicu střasł

Mittwoch, 05. August 2020
Artikel bewerten
(0 Stimmen)
Znajmjeńša sto mortwych a 4 000 zranjenych je sej mócna detonacija žadała, kotraž je wčera wječor libanonsku stolicu Beirut střasła. Prawdźepodobnje bě w přistawje składowana eksploziwna maćizna rozbuchnyła. Hišće kilometry daloko je ćišć rozbucha wulke škody načinił a ludźi zranił.  Foto: dpa/Mohamed Azakir Znajmjeńša sto mortwych a 4 000 zranjenych je sej mócna detonacija žadała, kotraž je wčera wječor libanonsku stolicu Beirut střasła. Prawdźepodobnje bě w přistawje składowana eksploziwna maćizna rozbuchnyła. Hišće kilometry daloko je ćišć rozbucha wulke škody načinił a ludźi zranił. Foto: dpa/Mohamed Azakir

Beirut (dpa/SN). Po hoberskej detonaciji w stolicy Libanona Beiruće z wjace hač sto mortwymi a 4 000 zranjenymi pytaja tam nětko za móžnymi přičinami. Dotal z toho wuchadźeja, zo je wulke mnóstwo eksploziwneho amonijoweho nitrata roz­buchnyło. Něhdźe 2 750 tonow strašneje substancy bě w jednej z halow Beirutskeho přistawa bjez wěstotnych naprawow składowanych, kaž ministerski prezident Hassan Diab zdźěli. Pokazki na politisce motiwowany atentat dotal žane njejsu. Jenož prezident USA Donald Trump je sej ze „swojimi generalemi“ wěsty, zo jednaše so wo „tajke něšto kaž bombu“.

Rozbuch je libanonsku stolicu, kotrejež wobydlerjo tuchwilu wulkeje poli­tiskeje a hospodarskeje krizy dla ćerpja, do hišće wjetšeho chaosa storhnył. Střasenja dla buchu wokna rozbite, wšudźe su njesměrne škody widźomne. Krawjacy ludźo błudźachu po dróhach nutř­kow­­ne­ho města połneho rozwalinow, črjopow a procha. Wulke dźěle přistawa su dospołnje zničene. W Beiruće, hdźež bydla něhdźe 2,4 miliony ludźi, su dwutydźenski nuzowy staw wukazali.

Veröffentlicht in Politika
Bitte anmelden, um einen Kommentar zu posten

Anzeige