Rekordna ličba koronainfekcijow w Pólskej

Mittwoch, 05. August 2020
Artikel bewerten
(0 Stimmen)

Waršawa (dpa/SN). W Pólskej maja telko nowych natyknjenjow z koronawirusom kaž hišće ženje za čas pandemije. Wčera su tam zamołwići 680 nowoinfekcijow w běhu 24 hodźin registrowali, kaž strowotniske ministerstwo informuje. Dotalnu rekordnu ličbu 658 nowych padow běchu minjenu sobotu docpěli. Po oficialnych informacijach je so tam dotal 48 149 ludźi z wiruson natyknyło, 1 738 pacientow je na njón zemrěło.

Wirus so wočiwidnje tež mjez zapósłancami we Waršawje rozšěrja. Třoch čłonow senata, druheje komory parlamenta, su hižo pozitiwnje testowali. Pose­dźenja parlamenta su přestorčene. Přiwšěm chcedźa jutře planowane zapokazanje a spřisahanje prezidenta Andrzeja Dudy za druhu dobu zastojnstwa pod wěstotnymi naprawami přewjesć. Duda chce přisahu před narodnej zhromadźi­znu złožić, kotraž wobsteji z wobeju komorow parlamenta.

Veröffentlicht in Politika
Bitte anmelden, um einen Kommentar zu posten

Anzeige