Zhorjelc (AK/SN). „Wožiwić a pěstować serbsku rěč w Zhorjelskim wokrjesu leži hłownje w rukach młodeje generacije“, podšmórny krajny rada dr. Stephan Meyer (CDU) zašłu wutoru na zeńdźenju fachowcow z wjesnjanostami serbskeho sydlenskeho ruma. Kati Strukowa, zamołwita za serbske naležnosće, bě zetkanje organizowała a je nawjedowaše. „Serbska rěč a kultura stej žiwy dźěl našeje domizny“, krajny rada wujasni. „Je wažny signal, zo so młodźi ludźo ze zahoritosću za swoje korjenje zasadźeja a tradicije dale wjedu. Naš nadawk je, dwurěčnosć wšědny dźeń jako samozrozumliwosć a nic jako wuwzaće wobhladować.“ W srjedźišću zetkanja steješe potajkim cyle jasnje tema dwurěčnosće. To wopřija dwurěčnosć na značkach dróhow a na zjawnych zarjadnišćach kaž tež přełožki formularow, hamtskich łopjenow a dalšich wozjewjenjow. Přiwšěm njeje dwójny etat 2025/2026 hišće wobzamknjeny. Wjesnjanosća rozmyslowachu tež zhromadnje wo móžnych financielnych přiměrjenjach. Wokomiknje wužiwa w Sakskej cyłkownje 42 komunow w serbskim sydlenskim rumje komunalnu pawšalu. Na zetkanju wobdźělichu so tež dr.