Energija hraje kaž postupny kandidat

Donnerstag, 01. Februar 2024
Artikel bewerten
(0 Stimmen)
Móže Wollitz swojich chowancow hišće wuchować?  Foto: Georg Zielonkowski Móže Wollitz swojich chowancow hišće wuchować? Foto: Georg Zielonkowski

Čerwjeno-běli Erfurt –

FC Energija Choćebuz 2:0 (1:0)

Zestawa Energije Choćebuz: Sebald – Slamar, Hildebrandt, Campulka, Prokopenko (46. Nudualu), Hofmann, Hasse (67. Oesterhelweg), Pelivan (67. Juckel), Halbauer (46. Euschen), Proničew (46. Bretschneider), Heike

slěd wrotow: 1:0 Seaton (11.), 2:0 Gall (57.)

W prěnim połčasu móžachu so hosćo w přećiwniskej połojcy lědma přesadźić, tak zo běštej jeničkej šansy cyłeje hry dwaj jara dobrej wólnej kopaj Tima Heiki, kotrajž swój cil snadnje misnyštej. Wuspěšniši běchu hrajerjo z Erfurta, kotřiž zahe 1:0 nawjedowachu. Znowa zdaše so nowy škitanski rjećaz ze swojim poprawnym nadawkom přežadany.

Wothladajo štwórć hodźiny, w kotrejž Choćebuz angažowany tłóčeše a Erfurtčanow k najwyšej kedźbnosći nućeše, bě to słaby wustup FC Energije. Nastachu lědma dwuboje, kotrež dobychu, a nadběhi njeběchu docyła strašne.

Njezrozumliwa taktika a słabe předstajenje wubudźištej strach, zo je ćah směr prěnjeho městna w tabulce bjez Choćebužanow wotjěł, a zo so hač do meje dosćahnyć njehodźi. Hač je trenar Wollitz hišće prawy „lokomotiwnik“, to so fanojo mjeztym prašeja.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND