Sport (19.08.22)

Freitag, 19. August 2022 geschrieben von:

Zazběh ze serbskimaj derbyjomaj

Wot jutřišeho hraja wšitke koparske mustwa zaso wo dypki, tež na wokrjesnej. K za­zběhej do noweje hrajneje doby wočakuje prěnje mustwo SJ Njebjelčicy we wokrjesnej lize cyłk z Pančic-Kukowa. Tež nowowutworjene mustwo Hrajneho zjednoćenstwa Ralbicy/Njebjelčicy startuje z derbyjom, a to přećiwo rezerwje HZ Wulka Dubrawa/Radwor.

19.08. 19:00 FV Přezjednota Niska –

  SJ Chrósćicy

20.08. 14:00 SG Union Sandersdorf –

  Budissa Budyšin

20.08. 14:00 Jednota Kamjenc –

  BSC Rapid Kamjenica

20.08. 15:00 Rakečanske ST –

  SG Weixdorf

20.08. 15:00 HZ Łaz/Běły Chołmc –

  ST Radwor

21.08. 11:30 HZ Ralbicy II/

  Njebjelčicy II –

  HZ Wulka Dubrawa II/

  Radwor II (w Ralbicach)

21.08. 12:30 SJ Chrósćicy II –

  ST Lubuš

21.08. 14:00 Sokoł Ralbicy/Hórki –

  SG Großnaundorf

21.08. 15:00 ST Kinspork/Łužnica –

  Módro-běli Kulow

21.08. 15:00 SJ Njebjelčicy –

  ST Marijina hwězda

Skupiny finala Satkula-bičtury

Skupina A: Magic Touch, Bobkecy, Traktor Wotrow, Škit Budyšin, Witajcentrum Skupina B: Bul přez sak, Kosmodej, 12tki SGB, Klumpaki, Safran Skupina C: MGW, Młode špunty, Klóšter, High five, Sambucaallstars Skupina D: Bičes, Pančenjo, Sorabija Lipsk, Prachróšćanscy, Satkula

Prěni test suwerenje dobyli

Donnerstag, 18. August 2022 geschrieben von:

SJ Chrósćicy II – ST Nadróžna Hrabowka 6:2 (6:1)

Za domjacych hrajachu: Škoda – Sćapan, Zynda, Kola, T. Donat, M. Donat, Domaška, Šołta, Paška, B. Donat, Handrik, Matik, Čornak

Wulke finale tury w Miłoćicach

Donnerstag, 18. August 2022 geschrieben von:
Redakcija radija Satkula je na minjenych póndźelach sydom turněrow swojeje bičturyzarjadowała, a to we Worklecach (4.7.), w Budyšinje (11.7.), w Kulowje (18.7.), w Hórkach (25.7.), w Konjecach (1.8.), w Pančicach-Kukowje (8.8.) a w Róžeńće (hlej wobraz, 15.8.). Nětko steji wulke finale před durjemi-wrotami Bobkec jěchanskeje hale w Miłoćicach. Hrać budu tam póndźelu wot 18 hodź. Foto: Konstantin Hrjehor

Wuspěšny posledni test za Sokołow

Mittwoch, 17. August 2022 geschrieben von:

Sokoł Ralbicy/Hórki – Budissa ­Budyšin młodźina A 6:0 (2:0)

Za Ralbicy zasadźeni: Ch. Gloxyn – Matka, Šewc, Wałda, Šołta, Rawš, D. Gloxyn, B. Bejma, Nuk, T. Bejma, Šiman, Materna, Domaška, Kunze, Kurjat, Kocor

Za Budyšin zasadźeni: Dorka – Götze, Jank, Kittan, Larisch, Launer, Olschok, Pech, Plaul, Reiter, Žur, Woko, Pietsch

Posledni test za delanskich Sokołow do zazběha noweje sezony wotmě so na domjacym trawniku stadiona Přećelstwa, a to přećiwo młodźinje A Budissy Budyšin, kotraž hraje w krajnej lize. W rjadach młodeho hóstneho cyłka běštaj z Dawidom Žurom z Lejna a Adrianom Wokom ze Šunowa dwaj Serbaj zastupjenaj. Budyšanow trenuje Čech Jiří Krohmer. Wón běše jednu sezonu tež delanskich koparjow nazwučował.

Wuslědki (17.08.22)

Mittwoch, 17. August 2022 geschrieben von:

Kopańca, krajna klasa

TSV Cossebaude – Wojerowski FC1:1 (1:1)

Radebergerske ST –

Drježdźanski SC 1898 1:2 (0:1)

BSV 68 Sebnitz – SV Wesenitztal 1:4 (0:2)

VfB Běła Woda 1909 –

FV Přezjednota Niska 0:0 (0:0)

SJ Chrósćicy – Rakečanske ST 3:0 (1:0)

Drohotka Ramnow –

TSV Rotacija Drježdźany 0:1 (0:0)

SG Weixdorf –

SC Borea Drježdźany1:3 (0:2)

1. SV Wesenitztal 1 4 : 1 3

2. SJ Chrósćicy 1 3 : 0 3

3. SC Borea Drježdźany 1 3 : 1 3

4. Drježdźanski SC 1898 1 2 : 1 3

5. TSV Rotacija Drježdźany 1 1 : 0 3

6. Wojerowski FC 1 1 : 1 1

6. TSV Cossebaude 1 1 : 1 1

8. FV Přezjednota Niska 1 0 : 0 1

8. VfB Běła Woda 1909 1 0 : 0 1

10. FSV 1990

Nowosolc-Hrodk 0 0 : 0 0

11. Radebergerske ST 1 1 : 2 0

12. Drohotka Ramnow 1 0 : 1 0

13. SG Weixdorf 1 1 : 3 0

14. BSV 68 Sebnitz 1 1 : 4 0

15. Rakečanske ST 1 0 : 3 0

16. VfB Žitawa zg. 0 0 : 0 0

SJ Chrósćicy – Rakečanske ST 3:0 (1:0)

Zestawa: Králíček – Matješk, Sentiwan (84. Runt), F. Cyž, L. Zahrodnik, Młynk (62. Janca), M. Zahrodnik, Hawš, G. Zahrodnik, Bogusz (84. Paška), Krawc

Njedźelu dojědźe sej něhdźe 250 přihladowarjow na derby přećiwo Rakecam do Chrósćic. Po poražce hakle minjeny tydźeń a po dobrym wukonom w pokalnej hrě wočakowaše trenar Pavel Runt, zo jeho chowancy na tute hrajne wuwiće nawjazaja a sej tři dypki zaruča.

Hoberski nawal

Dienstag, 16. August 2022 geschrieben von:
Wčera wotmě so poslednja stacija bičwolejbuloweje tury radija Satkule do wulkeho finala w Miłoćicach. Hižo wjacore lěta sej prawidłownje na jednotliwe stacije na serbskich wsach dojědu, na sportowanje a bjesadu. Lětsa wopytach stacije w Hórkach, Konjecach a wčera w Róžeńće. Stajnje běch zadźiwany, kajki hoberski nawal tam mjeztym je. Wot 17:30 hodź. su přizjewjenja móžne, maksimalnje dwaceći mustwow smě sobu hrać. Wčera sym sej dypkownje w napoł šesćich do Róžanta dojěł. Před blidom za přizjewjenje mustwow steješe dołhi rynk a w běhu třoch mjeńšin běchu wšitke městna wobsadźene, byrnjež wjedro optimalne njebyło. Pječa bě zajim na póndźelnym wolejbulu lětsa wšudźe tak wulki. W Konjecach dožiwich samo, zo njemóžachu so wjacore cyłki přizjewić, byrnjež dypkownje tu byli. Zwjeselace to wuwiće, wšako spěchuje wulke mnóstwo mustwow wjeselo na hrajnišću a zboka njeho. Tam wšak prawidłownje bjesaduja a hejsuja.  Pětr Dźisławk

FC Energija poražku wurunali

Dienstag, 16. August 2022 geschrieben von:

FC Energija Choćebuz – FSV Luckenwalde 3:0 (2:0)

Zestawa FC Energija Choćebuz: Bethke – Hasse (85. Milde), Eisenhuth (85. Slamar), Hildebrandt, Borgmann – Hofmann – Badu (59. Heike), Kujović, Juckel (46. Oesterhelweg), Wähling (59. Abu-Alfa) – Hottmann.

wrota: 1:0 Hellwig (5. /samowrota), 2:0 Juckel (31.), 3:0 Heike (83.)

přihladowarjo: 4 031

Po wulkim přesłapjenju po zazběhoweje poražki w Altglienicke dla je so FC Energija z wuspěchom 3:0 přećiwo Luckenwalde rehabilitowała. Zawěsće je dobyće trochu přewysoko wupadnyło. Specielnje w druhim połčasu móžeše FSV mjenujcy wjacekróć swójske wrota docpěć. Tola dźakowano 19lětnemu Eliasej Bethce w Choćebuskich wrotach, kiž zastupowaše zranjeneho Alexandera Sebalda, wosta FCE bjez přećiwnych wrotow. A dokelž so nadběhi tónraz ja­snje wuspěšnišo ke kóncej hrajachu nasta na kóncu jasne dobyće. Při prěnich wrotach Leon Hellwig přihrawku Arnela Kujovića njezbožownje wotfalšowa, 2:0 wužórli so z wulkotneje kombinacije, prjedy hač Tim Heike w poslednich mjeńšinach při konteru hrajny rozsud wunuzowa.

Špatny połčas Sokołow w Kulowje

Dienstag, 16. August 2022 geschrieben von:

HZ Wóslink/Skaskow/Módro-běli

Kulow II – Sokoł Ralbicy/Hórki 2:1 (0:1)

Za Kulow zasadźeni: Peschel – Elstner, Jorsch, Šefer, Fiebig, Bulmann, R. Lange, Róbl, E. Langa, Tamke, Woko, P. Grofa, Pawlik

Za Ralbicy zasadźeni: Ch. Gloxyn – Matka, Rachel, Schultz, Šewc, Wałda, Hrjehor, Zimmermann, D. Gloxyn, Nuk, Kobalc, Kunze, Měrš

Minjenu srjedu nastupichu Sokoljo pola rezerwy w Kulowje. Trenarjej hosći Christophej Gloxynej njestejachu wšelakorych přičin dla tójšto hrajerjow k dispo­ziciji. Najebać to pak chcychu ­Ralbičenjo tež při tropiskich temperaturach spomóžnu kopańcu pokazać. To so w prěnim połčasu tež dosć derje poradźi. Toni Nuk docpě w 20. mjeńšinje nawjedowanje. Samsny hrajer by dyrbjał tež na 2:0 (23.) zwyšić, tola před wrotami zaprajichu jemu čuwy. Po 35 min. dyrbjachu Alexandera Wałdu wuměnić. Nadobo so Sokołam wjace tak lochko njehraješe. ­Jónu mějachu samo zbožo jako bul na žerdź prasny.

Třeći nowopřichad w Budyšinje

Dienstag, 16. August 2022 geschrieben von:

Třeći nowopřichad pola wyšeho ligisty Budissy Budyšin přińdźe z dorosta FC Rudnych horin Aue k Sprjewi. Dennis Omerović je w defensiwnym wobłuku fleksibelnje zasadźujomny a budźe poziciju w defensiwnym srjedźnym polu a wonkownym zakitowarjom zesylnić.

Sven Johne, wiceprezident towarstwa, so wjeseli: „Dennis přeswědča ze swojimi wukonami w přihotach a budźe nětko kruty wobstatk teama wyšeje ligi. Wjeselimy so na dalšeho něhdyšeho dorostoweho hrajerja w našich rjadach.“ Dennis Omerović doda: „Wjeselu so na swoje stare skutkowanišćo a na to, zo so do swojeje domizny nawróću. Towarstwo bě mi tehdy wjele duri wočiniło a dowěru dało. Tutu dowěru chcu nětko wróćić a z wukonami wobtwjerdźować. Pola Budissy hrać bě moje absolutne wulke přeće a sym jara wjesoły, zo sym zaso tu.“ Dennis bě hižo we wobłuku dorosta FSV Budissy Budyšin aktiwny, prjedy hač RB Lipsk jeho njenańdźe. Potom ćehnješe jeho do Aue, hdźež hraješe za U17 a U19. Nětko wróći so zaso do swojeje domizny. Wón podpisa zrěčenje hač do 30. junija 2023 inkluziwnje opcije na dalše lěto. Kilian Hrjehor

Anzeige