Serbske šule w regionalnym finalu

Mittwoch, 07. Februar 2024
Artikel bewerten
(0 Stimmen)
Šulerki a šulerjo z Ralbic, Worklec a Budyšina wubědźowachu so zhromadnje na šulerskim wubědźowanju „Młodźina za olympiju“.  Foto: Gabriela Jendrewscyna Šulerki a šulerjo z Ralbic, Worklec a Budyšina wubědźowachu so zhromadnje na šulerskim wubědźowanju „Młodźina za olympiju“. Foto: Gabriela Jendrewscyna

Za regionalne šulerske finale „Młodźina trenuje za olympiju“ we wolejbulu w starobnej klasy SK III běchu so hnydom tři serbske cyłki kwalifikowali. Holče mustwo z Ralbic, hólče mustwo z Worklec a hólči cyłk Serbskeho gymnazija Budyšin.

Zastupnistwo Serbskeho gymnazija Budyšin zahaji turněr ze swojej prěnjej hru přećiwo gymnaziastam z Niskeje a doby prěnju sadźbu 25:18. Druhu sadźbu wotedachu Budyšenjo na Nisku 22:25. W rozsudnym tiebreaku podležachu 9:15. W druhej hrě nastupichu Worklečan hólcy přećiwo gymnazijej ze Žitawy. Z rezultatom 19:25 a 15:25 z wida Worklečanow su přěhrali. Tež w třećej partiji dnja podleža Worklečan hólče mustwo po třomi sadźbami (13:25, 25:19, 12:15). Štwórtu hru dnja dobychu Žitawčenjo přećiwo serbskim gymnaziastam 25:21 a 27:25. W serbskim derbyju podležachu Worklečan hólcy 25:23, 12:25 a 16:14 snadnje wolejbulistam z města.

Holcy z Ralbic běchu so prěni raz na regionalnym finale wobdźělili a nazběrachu tójšto nazhonjenjow. Přećiwo gymnazijam ze Žitawy, Niskeje a Biskopic stajnje 0:2 podležachu. Zdźěla pak běchu hry chětro wuske.

kónčny rezultat:

hólcy WK III

1. F.-Schleiermacherowy gymnazij Niska

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND