Auschwitz z njebjes njepadnył

Freitag, 31. Januar 2020
Artikel bewerten
(0 Stimmen)

Jimaca narěč Polaka – bywšeho jateho w koncentraciskim lěhwje

Waršawa. Swjatočnosće składnostnje 75. róčnicy wuswobodźenja němskeho nacistiskeho lěhwa Auschwitz-Birkenau su dale tema w pólskich medijach. Jara dokładnje žurnalisća wuhódnoćeja, štó je što na swjedźenskim zarjadowanju w bywšim zaničowanskim lěhwje rjekł. Při tym napadnje, zo nimaja liberalne medije narěč pólskeho prezidenta An­drzeja Dudy za najwažniši podawk swjatočnosćow, ale narěč bywšeho jateho w lěhwje, w Pólskej derje znateho publicista a židowskeho aktiwista Mariana Turskeho. Dźensa 94lětny, kiž bě so swójbje pólskich Židow jako Mosze Turbowicz narodźił, bě w Auschwitzu zajaty a dožiwi wuswobodźenje w koncentraciskim lěhwje Terezín, dokal bě jeho SS před bližacej so sowjetskej armeju ćěriła. Po wójnje wón swoje mjeno změni, zo móhł w Pólskej „normalnje“ žiwy być.

Veröffentlicht in Słowjanski wukraj
Bitte anmelden, um einen Kommentar zu posten

Serbska debata

Neuheiten LND