Denys Trubeckoj rozprawja za Serbske Nowiny z ukrainskeje stolicy Kijewa

Hižo dlěši čas steji Ukraina zestupanja ruskeho wójska na swojej mjezy dla we hłownych nadpismach mjezynarodnych medijow. Ze swojej měrowej politiku je nalěto 2019 nastupjeny prezident Wolodymyr Zelenskyj někotre postupy w Donbaskej wójnje docpěł, kotraž mjeztym nimale wosom lět traje. Tale měrowa politika wšak je doskónčnje zwrěšćiła, hdyž so nalada Ukrainjanow wobstajnje na dobro čłonstwa kraja w NATO chila.