Marek Krawc rozprawja wo aktualnje rozjimanych temach w Čěskej

Praha. Mała statuwa z běłeje hliny słuša k najstaršim wuměłskim twórbam swojeho razu po cyłym swěće. Rěka Wenuša z Věstonic a je nimale 30 000 lět stara. Archeologa Karel Absolon bě ju 13. pražnika 1925 namakał, jako w Dolních Věstonicach na juhu Morawy hromadźe ze swojimi kolegami lěhwo hońtwjerjow z kamjentneje doby wurywaše. Nětko wotměwaja so w Brnje składnostnje 100. róčnicy jeje wotkryća wšelake zarjadowanja pod hesłom „Wenuša 100“.