Pólski premier reaguje na „politiske zemjerženje“ wólbow dla

Waršawa. Do zapokazanja noweho statneho prezidenta Karola Nawrockeho 6. awgusta je ministerski prezident Pólskeje Donald Tusk swój kabinet změnił. Jemu je wažne, zo postara so knježerstwo wo porjad kaž tež wo wěstotu a přichod kraja. Zdobom wón přizna, zo bě přičina přerjadowanja „politiske zemjerženje“ prezidentskich wólbow dla, kotrež bě lěhwo knježerstwa přěhrało. Wšěm je jasne, zo změje Tuskowe knježerstwo z Karolom Nawrockim noweho razneho přećiwnika w prezidentskim palasće.