Marek Krawc rozprawja wo aktualnje rozjimanych temach w Čěskej

Praha. We wólbach do domu zapósłancow za dwaj měsacaj móža Češa prěni króć swój hłós z listom wotedać. Zajim pak je snadnuški. Jenož 18 000 wolerjow je so za listowe wólby registrować dało, wonkowne ministerstwo bě z 50 000 zajimcami ličił. W susodnej Słowakskej, hdźež móža hižo wot lěta 2006 z listom wolić, bě w lěće 2023 w parlamentnych wólbach wjace hač 58 000 wolerjow swój hłós po tutym puću do urny pósłało.